乳您一起You’re not alone Website

www.bcyouarenotalone.hk

呢個facebook page不知不覺間, 已經Run左3年幾, 我自己都勢估唔到, 我自己一個一時既想法, 就係諗住自己會有Chemo brain驚唔記得野而寫低自己抗癌經歷, 慢慢居然group左一班人, 再慢慢變為一大班人, 好多時我都覺得自己何德何能搞到咁, 當然同大組織比, 我地只係冰山一角, 但唔緊要, 各有所需, 各有優點, 大家只要都係一條心去幫人就好了!

有見及此,, 我一直都唔敢去成為NGO, 或者將來真係有機會, 但而家我既心都只係想一心一意去為我地既姊妹服務, 亦唔想有錢既瓜葛, 希望單純啲只係為幫人, 亦因為呢個原因, 我所做既野全部都係冇錢, 好似前排送贈禮物, 因為爆晒Quota, 我自己都冇拎到架.

講返正題先, 咁因為個page run左3年幾, 真係越黎越多野, 咁facebook page係冇得分類, 以至好多舊文都冇乜人睇到, 一直好想整個website, 但因為我太多野而quote得我好貴, 要幾萬蚊, 所以遲遲都未行到呢一步, 最近我又諗起呢件事, 但今次我嘗試search freelance去做, 比我搵到Oasis works既Peter, 我同佢講我既故事後, Peter一口應承收我一個好平既價錢去幫我完成呢件事, Peter話佢都想出一份力去幫下人, 真係好感激你, Peter收得我平但冇hea做, 由website個名開始, 佢都真係有諗過去同我傾, 我既想法佢全部好盡力去配合.

今日呢個website面世啦, 大家可以好容易搵到大家想要既資訊, 包括我既抗癌經歷, 希望大家會鍾意同埋覺得有用啦, 快啲入去睇下, 歡迎大家可以比下啲意見我啊!

如果大家都想搵人寫website, 我都誠意推介Peter, 佢既webiste係 https://oasisworks.hk/

#乳您一起youarenotalone

#oasisworks

#以生命影響生命

#終於有自己既webiste

#繼續保持初心