今年最後一篇畢業文-Jay

Jay係第二次畢業，對上一次只係幾個月前既事，佢上一次做左oncotype test，結果係低分，化療嘅Benefit低過1%而唔洗化療，點知天父想比多次課題Jay去考驗佢，一次偶然機會下，佢去左照腦，結果發現轉移左去腦小葉位置。

姊妹們都好錫Jay, 一知佢有事就伸出援手，Jay入咗院，每日都有姊妹去醫院探佢，寬寬介紹左一位好好既腦外科醫生，好快就安排到電療，而家最新既電療機-機械臂做腦部電療，係最精準最完美既電療機，電一次就KO左個腫瘤

Jay,天父好眷顧你，好愛你，佢仲有使命同課題俾你繼續執行，就係學習好好咁愛自己同埋好好咁照顧好亞仔，以後一定要活在當下，開開心心，我地繼續拖實你一起到老

*********************

𣾀報一下，各位姐妹，我今日已經做了腦部電療，用＂導航刀＂，歷時一小時，過程比電胸原來辛苦好多，中途感到腦腫、頭壓在硬枕上引至好痛，中途有想放棄嘅衝動，不斷叫自己要努力捱過！心中不斷倒數時間！慶幸順利完成！

寛寛好好，今日全程都喺到

好多謝各位姐妹一直支持、鼓勵、關心、祈禱，呢段日子好感恩大家各方便嘅幫助與無私嘅愛，每日都收到不同姐妹關懷、問候！好窩心

QM下星期一安排到時間比我，當日我亦會去寛寛到覆診，兩個月後再pat Scan , 睇下腫瘤又冇被消滅、睇下其他身體部份係咪一樣冇着燈！

我已經食緊鏢靶藥、荷爾蒙藥治療，呢幾日會食強力D嘅類固醇，幫助減低腦腫及其他副作用！

今日柳醫生同我講，100個人都冇一個咁嘅case, 太罕見！我真係好down , 但我會努力平復情緒，因為上天再比呢個機會我醫治，我好珍惜，呢段期間好多天使圍噝我身邊幫助我，造就咗呢次嘅好多個＂好彩＂，我要重新出發，深思熟慮自己要過嘅生活，我要陪伴仔仔一直行他的成長路

再一次多謝、感激所有姐妹一路拖住我行！多謝沿途有你地，呢段日子才能感受到＂苦中也有甜＂