上年10月，
我好朋友問我
邊到有假髮賣
因為佢堂妹-頌茵
得了癌症
21歲既小妹妹
要去嫲嫲既生日宴
但化療令佢脫髮
唔想嫲嫲擔心
所以需要一個假髮
於是，我問下姊妹
有冇人願意捐出
佢地用過既假髮
有姊妹即提出
不如我地每人捐$100
夾錢比小妹妹
買一個新假髮
佢地話後生女
用新既，岩自己既假髮
想小妹妹開心有自信
結果2小時內
1.0+2.0姊妹
籌到萬多元
有姊妹送洗頭水
送未用過既假髮
亦有姊妹
陪小妹妹去買新假髮
佢話小妹妹
望住自己戴既新假髮
笑得甜絲絲
小妹妹開開心心
咁去嫲嫲生日宴
用淨左既錢
大家叫小妹妹
買自己喜愛既野食
今晚，我去左小妹妹喪禮
佢戴住我地送比佢既假髮
好似瞓著覺咁
脫離痛苦
做個快樂嘅天使
呢個假髮既緣份
亦再次令我感受到
We’re not alone
一班姊妹既愛心
每人少少既幫助
可以換來
一個小妹妹開心既微笑
亦帶住我地份心意
離開人世
頌茵，一路好走
願你脫離痛苦
做一個快樂的天使