化療前

手術後復原得好好，化療前爭取時間去陪阿仔，去見見朋友，順便分散下注意力啦！

如果你問我面對化療有冇擔心，有冇驚？我話冇就呃你架啦面對不明朗時，人係會恐懼，就算你之前得到幾多嘅資訊，知道幾多既困難，但人人唔同，有大有小，未發生係唔會知，心當然希望副作用有咁細得咁細啦，但未必盡如願，心理準備要有，但又唔應該咁負面，心情矛盾到唔知想點。

有一點我係好堅定，就係要積極面對，開心又咁過，擔心都係咁過，驚亦係咁過，心理準備做左，但抱住自己會好好既心態去迎接，吸引力法則，你越恐懼就越會遇到困難，我從冇隱藏病情，同朋友分享，得到朋友既祝福，祈禱，集氣都幫唔少架，有人話唔想朋友擔心，老實講，朋友會心入面記掛，會問候，但去到擔心呢⋯⋯我唔覺得自己影響力咁大，記掛下問候下就夠，加上自己冇做錯事，唔需要隱暪