Alice情況係有2個腫瘤，一個係管腔型，一個係三陰，成個療程長達一年，實在唔容易, 除咗肉體上既不適，仲有心靈上擔憂，但你好叻女呀，咬實牙關頂住完成，相信畢業呢一刻真係百般滋味在心頭，回頭望好似好耐但又唔知點過就捱過左啦！大家都比啲掌聲Alice
記住呀！我地要手拖手到老架祝福你健康到老
***********************
感恩！我畢業喇！昨天已經做完化療。由2020年11月至今已經有一年，亦唔想同人講，自己又唔沒此方便的資訊，又唔知邊個醫生好，所以去咗政府醫院QM睇，抽針檢查和做CT Scan, 知道係三陰和荷爾蒙兩款腫瘤三期尾，後來朋友介紹找了私家曾醫生，提議4白十4紅化療，想在私家先開針，剛好QM通知有期化療，因為沒保險，所以決定在QM做完12次白針和三次紅針化療，再做CT,但化療効果不理想，腫瘤只係縮了一半（4.5縮至2.5），跟隨在東華做手術，全切左乳及兩組淋巴，淋巴有十幾粒感染，要做15次電療及食荷爾蒙藥。過去一年心情和身體的困擾真的難以形容。到近期有病友介紹我入group,知道和了解咗很多有關於乳癌資料，多謝會長和Ada真係有愛，奉獻時間和精力！給予我們的支持、支援！感恩有您！主佑大家平安喜樂健康！