又一年既Pet Scan

2022 年 12 月 13 日
Jacqueline的抗癌經歷 | 其他分享

今年啲骨頭真係麻麻地, 前排背脊痛到手都痺埋, 寬寬本身想遲少少先幫我照, 都話照一照穩陣, 骨科都建議照埋MRI睇睇啲神經, 結果係頸椎壓住神經線, Pet scan都好正常, 朋友介紹左位好好既物理治療師比我, 每次幫我拉頸, 針灸, 復位, 做運動, 已經好返8成, 而家得返2隻手指痺, 都好好了, 真係要繼續努力!

好多姊妹好擔心照PET有好多輻射, 其實係開左機照時有輻射, 照完熄機, 輻射量大減, HKIOC每次離開前都會用部機幫我check下身上仲有幾多輻射量, 通常我離開時只得8-9度, 15度以下係安全, 之後每小時跌2度, 幾個鐘後就冇晒架啦, 最多食返碗紫菜湯抗下輻射 (寬寬睇到應該會反眼😵‍🤣 所以如有需要, 大家唔洗太多顧慮, 最緊要照左知道條路點行.