我哋group係有好多後生女，但都有年長少少，但共通點係一樣咁潮，識喺Facebook搵支援
愛姐喺我地group入面一個好叻好值得尊敬既姊妹，佢人生好多經歷，但一直都樂觀面對，計劃剛剛退休，諗住享受人生下半場，都未開始嘆又要上場打仗，薑真係越老越辣，愛姐冇埋怨過，一直都好勇敢，打6針TC+雙標靶都冇怨過一聲，63歲既愛姐認真唔簡單，所以大家都一定得架
愛姐，雨後就會係晴天，黑暗既盡頭就係光明既出口，祝你手術順利，之後好好享受人生，好鍾意愛姐既其中一節：
但我相信個天，未放棄我，我亦不會放棄自己，人生根本就係考試，關關難過關關過！
***************************
好多謝各位姊妹，恭喜祝褔，好開心全收到。心情平靜下來，想說一些感受。
10月尾確鉁，剛剛退休，63歲咁快完結驚恐，迷惘，但要面對，人生我的起伏很大，離婚，仔仔意外，成為傷殘人仕，我都一一捱過，現在輪到自己但我相信個天，未放棄我，我亦不會放棄自己，人生根本就係考試，關關難過關關過！
幸好我係Fb，給我認識會長Jacq 知道我不孤單，更入到這個Wp ，認識到各位同路姊妹，更認識到如何處理自己病況，情緒，食療，手拖手一起過，互相鼓勵支持，感恩你們的愛
我能堅持，能做到，你哋都可以，不論日後，遇到任何事情，只要對自己說，我一定做得到，你就一定做得到，多愛自己，多珍惜身邊人！
祝福大家身體健康，早啲滅甩晒啲衰嘢，開開心心，迎接新的開始！（內容有點長，老人家）