我又嫁女啦-Elaine

2020 年 12 月 22 日
姊妹畢業感言

最好既聖誕禮物-Elaine同好多姊妹一樣，剛搵我時都係好擔心，好擔心，唔知前路點行，但入左group後就變得積極，仲分享拖買餸車都可以勁優雅既背影，日日嘻嘻哈哈就過左，恭喜你呀！好感恩好感恩，記得要多謝埋你自己呀！

好鍾意你最後一段：生病與否我哋從來都冇得選擇，但絕對可以選擇樂觀面對，在治療過程中最多的不是痛苦，反而是愛

***************************

好感動我畢業啦

由六月尾確診確定做手術前做肝臟超聲波好記得當日照完冇耐被醫生叫回診症室已經心知不妙羅家寶醫生話肝臟照到有一個2-3cm瘤但唔確定係咩瘤要立即去做MRI 如果touchwood有問題乳房手術要hold住我嗰下成個人打曬冷震由於當日係星期六仁安醫院報告起碼要24小時先出當晚係人生中最難捱最難捱嘅一日不斷喺度諗好唔容易先接受到自己有乳癌轉頭又話畀我聽個肝臟有事一返到屋企就崩潰式地狂喊雖然羅醫生星期日放假但係一有報告就親身打電話畀我話手術可以如期進行確定肝臟嗰個係血管瘤係良性亦都有可能係我出世時已經有仲叫我唔好再擔心食多啲嘢準備做乳房手術當時聽呢個電話我係開speaker同我男朋友一齊聽我哋一路聽一路喊收線之後立刻相擁呢個畫面我永遠都唔會忘記手術後安排化療然後電療所有嘢排山倒海咁一次過堆曬嚟好似發左一場夢

喺最徬徨無助時幸運地畀我遇上Jacqueline 感謝你無私嘅奉獻好多時你寧願犧牲自己既私人時間去幫助一班同路人出心出力去推廣及提高婦女們對乳癌認知

Jacqueline 一開始你已經為我打了一支強心針只要知道自己個病係有得醫心口掛住個勇字就冇嘢可以怕謝謝你把我介紹入群組入組後令我變得開朗積極（雖然也會偶爾也會轉牛角尖）我好記得我初初打化療嗰時因為體重不斷下降姊妹們都替我著急分享好多不同嘅資訊畀我我嗰刻真係好感動雖然我哋素未謀面互相幫助關心真係好難得

另外特別鳴謝@Sandy 你係群組內同我最熟比我煩得最多嗰個多謝你成日同我傾計比意見我唔怕我煩又唔嫌我長氣（仲拖埋老公出手幫拖解決問題）@charmine 多謝你經常窩心嘅問候當我遇到困難嘅時候你都會嘗試幫手解決好感動 @Idy 多謝你分享好多三陰嘅資訊畀我等我冇咁淆底（我打升白針之前睇咗你條片好N甘多次）@Ada電兔開心果多謝你嘅正能量令到好多姊妹忘卻煩憂群組每日都好開心每日睇住你同 America 對話真係笑料百出 @Carmen and Erica 多謝你推介嘅靚靚假髮令到我自信心返曬嚟 @Toby 多謝你窩心嘅慰問 @瑪姬多謝你送我bb梳等我可以日梳夜梳@Jojo多謝你幫姊妹們買化妝護膚品，病住都要扮靚