我幫人，人幫我，守望相助精神

前排帶阿女去澳洲讀書, 見到當地有好多搓手液, 知道香港物資短缺, 立即幫班姊妹買返黎啦, 拎到死死下, 好彩我有2位猛男, 佢地知道我係幫班姊妹江湖救急都在所不辭, 我嘗試過拎過佢地個背囊, 真係重到癲左, 但我地班姊妹, 有啲剛剛完化療, 有啲直頭化療緊, 佢地真係好需要呢啲物資.

但口罩我真係愛莫能助, 我自己都係有姊妹係外地幫我買口罩, 數量唔多, 我仲要分埋比屋企人, 但我已好感恩, 好多謝呢2位姊妹, 我老公為左慳返啲口罩比我用, 佢一個口罩帶3日, 我身在美國既同事都專登寄在濕紙巾, hand spray比我地, 有老闆專登喺外國買左N95比我, 佢話我去醫院好需要, 呢份守望相助既愛, 香港而家好需要.

其實香港本身唔缺貨, 但有人別有用心製造恐慌, 搞到人心惶惶, 成功了, 好多人都因為恐懼而去搶貨, 諗住搶多啲為將來打算, 所以搞到今時今日呢個局面, 我都好希望藉住我幫人既心去令大家都感覺到愛同溫暖, 同埋守望相助既團結精神, 大家喺呢個時候, 唔係埋怨, 係要團結同埋互相幫助, 先可以對抗天災

以上我幫既, 又或者幫我既, 都係我地互相認識既人, 但不及今日我收到呢包口罩來得更感動, 有一個讀者, 係經我一個好朋友介紹黎睇我個page, 佢好身體健康, 冇病冇痛, 我知道佢中文都唔好, 但佢將我所有既post都睇晒都like晒, 我知道佢有將口罩去派比有需要既人, 佢從我朋友口中知道我唔太夠口罩, 佢托我朋友拎左包口罩比我, 大家素未謀面都有呢份愛, 呢份溫暖我感受好深, @Amy Sham, 真係好多謝你, 唔好睇少一包口罩, 你既無施你既愛, 我已經感覺好溫暖

大家如有多物資, 不妨考慮下大家可以守望相助, 幫助弱勢社群, 一齊共渡難關