我既救命恩人之一-柳漢榮醫生

今日又到復診日，今日照mammogram既成績表又過關，兩年前既今日係抽針日，同事兩個朋友都話柳醫生好好，又喺公司附近，於是就去搵柳醫生抽針。

見到柳醫生就覺得外表幾型-加分；

一路慢慢同我傾計一路抽針-加分;

抽針過程好快-加分；

打左麻醉唔痛，

抽完我仲可以返工呢-加分

幾日後確診，記憶猶新，歷歷在目柳醫生一路講解手術過程，我既眼淚不受控咁流下，想控制都控制唔到，只知道柳醫生比到信心我，我冇再睇多一個外科醫生就決定將個身體交比呢位好醫生 仲好清楚記得瞓喺手術床到，柳醫生喺麻醉前拖住我隻手，同我講放心交比佢，佢一定會做得好好，你真係做得好好，我一日就可以出院

今日同柳醫生傾左好耐，傾柳醫生對病人既初心，傾佢點為病人著想，所有考量都以病人角度出發，佢唔會睇住址而收唔收病人，為著中下層既病人都可以得到好好既治療機會，每星期抽一日去播道睇症，收費仲十分相宜，就算中環診所都幾年冇加過價，以前可以飛既日子，柳醫生每個月都會飛去外國開會，有生意都唔做，為的是吸收新資訊去幫病人，有技術，有醫德，收費唔貴既醫生，兩年來我冇一刻後悔過選了這位醫生！

今日同姊妹們講柳醫生，搵佢做既個個都讚，一致覺得柳醫生細心，有料，大讚佢令我地好安心

柳醫生成日話搵到佢做手術係緣份！我都相信呀！柳醫生多謝你啊