手術日

0700要到醫院做check up, 下午3點就手術，老公要上堂，所以陪唔到我入院，我3am返到屋企，7am準時入院，姑娘話9am開始唔可以食野，所以我入上病房就叫左個早餐食飽飽先，checking有基本既量血壓，抽血，照肺，肝，仲有重點係前哨淋巴結既檢查，既然係重點，講下程序啦：換完衫，瞓上張又硬又窄既’床’到，醫生會係近腫瘤位置打支顯影針，痛唔痛？um……少少啦！打落去嗰下有d痠痛，我既小tips係：我都驚打針，但我知越緊張越痛，所以我唔會望同埋keep住叫自己放鬆，打左落黎痛都痛左，搞掂！檢查完就返上病房等………

原本3點開始，但一直冇人黎接我去手術室，等等等…..到差不多4點終於叫我名同推床黎啦！同自己講今次當第三次生仔啦！放鬆放鬆…..

去到手術室，咁大個女第一次去手術室，落麻醉時柳醫生拖實我隻手同我講唔洗驚，佢同我一齊，跟住……..醒左已經喺手術室外，柳醫生一出黎就話手術成功，冇淋巴感染，咁我就安樂晒，上左病房好快就落床去vv，跟住食野，柳醫生晚上十點幾再黎睇睇我，話聽朝可以出院架啦

第二朝早上6點幾又見到柳醫生佢唔洗瞓的嗎？好吧！佢話可以出院啦，我仲可以自己行去找數