接受幫助 – 心態的改變
2020 年 6 月 10 日 其他分享 今日同我好朋友食飯，佢知我唔識忟野，專登忟比我食，我好開心就收左仲講多謝！
我地傾計時，佢話有時好習慣去幫人，但唔習慣被照顧被幫忙，覺得好似係自己冇用先要人幫！我同朋友舉左個例子，就好似佢忟呢盒餸比我，如果我答佢： 唔好咁客氣啦！你拎返去比屋企人食啦。我拒絕佢既好意，佢會開心嗎？還是我好開心咁接過佢既心意仲好多謝佢會開心啲？朋友聽完，即時點頭明白了
從前既我都係咁，唔想接受人地既幫助，乜都自己頂起。但病時，身體唔舒服，不得不接受人地既幫助，我先發覺，其實放下唔係咁難，接受別人既好意，唔單只自己唔洗咁辛苦，其實幫你既人都會好開心
多謝你今日既好意Ron, Love you
