我發覺化療後,
身體好敏感,
一有少少異樣,
身體就會發出警號,
跟住就會擔心……..
但長此落去, 其實心很累.
其實唔係我地有特異功能,
咁勁可以感應小小既狀況,
只係以前我地覺得好少事,
所以冇去處理,
而家就會聯想…….復發!!!
我自己有個小秘訣!
一發現呢啲異樣……..
我第一句就問自己:
如果你以前, 你會點做?
舉個例: 有骨痛
跟住就問自己, 如果以前係會點做呀?
答: 坐下按摩椅, 搽下油
那就照著做好了!
如果有改善, 即係冇事啦!
咁就解除危機了!
大家都可以試試呀!