新一年第一篇畢業文- Kristy

Yeah!!! 恭喜你呀Kristy, 睇到你既畢業文令我好感動, 講起初初確診既感受, 對不起父母既內疚, 令我都諗起我既過去.

你好叻叻, 第一句就係多謝自己, 我地真係要好好咁愛自己, 好好咁多謝自己, 多謝身體各器官既支持, 多謝自己唔放棄自己, 你做得好好呀, 你做晒treatment好返架啦, 以後要大踏步行第二次人生, 以後要健健康康, 開開心心, 一齊繼續以生命影響生命, 一齊拖住手到老.

我都想襯機會多謝SY Idy 既 #tobebetterme , Idy同我一樣寫page去幫到好多無助既姊妹, 佢人雖然移居英國, 但佢既無私分享, 幫到好多人, 我地要繼續一齊加油!!

今日張圖係Kristy自己整, 好勵志, 好有意思, 你要加油啊! 祝福你

**************************************

會長 & 各位姊妹，

我由抽針確診手術化療電療，呢場接力賽來到今日正式畢業！」

首先我要好多謝自己，多謝自己那裡來嘅勇氣、勇敢一步一步面對，回想發現到確診人生好灰，傍徨無助、不停喊、失眠嘅日子仍歷歷在目，同時不知怎開口向媽媽說殘忍嘅事實，真的對不起，腦海永記媽媽向我：「呢個病好多人都醫得好，一定要醫，將來日子需要你，仔女更需要你！點樣辛苦我都會照顧好您，打贏場仗！」我好心痛！媽媽比我更堅強，每日照顧我無微不至，作為女兒嘅我要好好努力去生存，家人全是我動力是我一切！

多謝Idy，多謝妳無私地分享成為我參巧借鏡，係妳帶我入3.0 Group認識一班好有愛的姊妹，我初初入group唔夠膽發問，加上第一針發燒覺得自己好無用，唔知道剩下嘅針點樣可以繼續走落去， 呢度我要多謝三陰group 姊妹同Sandy 落針前打俾我，教我應付化療嘅副作用給我鼓勵，仲有好friendly & funny大西北姊妹，多謝妳地遊遍大西北，分享美食美景、無所不談，解答我種種問題又useful。

我想藉著呢度：更加要多謝會長Jacqueline，病了呢段日子…特別喜歡會長格言「生命影響生命」「一齊手拖手到老」的大愛精神，衷心感謝您 , 《You’re Not Alone》真心感受到滿滿的愛，感受正面人生，感受到Ada每每樂意解答詳盡分析，難能可貴，「儍豬」「都係一樣咁醫」，仲有小欣子「記得每日hehe haha過皇后式嘅生活」全是窩心，充滿歡欣。

一個病，一個緣，讓我們認識，醫好了，要珍惜，大家要開開心心齊齊整整活到老！

《一輩子真的忘不了》