決定化療
2019 年 1 月 24 日 Jacqueline的抗癌經歷 決定左去HKIOC做化療, 2月13號年初九就開針, 我知道冇得選擇就唯有去接受, 自從知道有cool cap後, 我心情好左好多, 其他問題亦相信自己可以承受, 於是就樂觀積極去面對, 我成日同自己講, 化療係一個過程, 會過去的, 每件事都係正反兩面睇, 唔開心又要過, 開心都係一樣咁過, 點解唔開心呢? 於是係化療前去同下朋友食飯, 接下仔返學放學, 去拜年, 每個人化療反應唔同, 擔心黎都冇用, 見招拆招吧!
首先就係剪返個型髮先, 剪短易打理好多, 戴左cool cap都會甩頭髮, 加上我係好鍾意短髮, 又型又方便又快乾, 所以剪短對我黎講係開心事, 我既髮型師Jeff剪短髮一流, 型得黎又易打理, 不過我老公想我再剪短一啲, 所以打療前一日會再修剪一次.