照顧者
2019 年 8 月 27 日 其他分享 近日有位讀者PM我, 佢唔係自己確診, 係佢媽媽確診, 佢作為一個照顧者去詢問我點照顧佢媽媽, 好令我感動! 經從新出發聯盟既姊妹同意, 我將唯一既照顧者add左入group!
首先, 我真係好欣賞班姊妹既大愛, 當我問佢地介唔介意add一個唔係同路人而係一個照顧者時, 佢地毫不猶豫地話冇問題, 我真係好感動, 佢地無施既分享唔單只比同路人, 連照顧者都一樣, 令我忍唔住要寫篇野出黎紀錄低.
作為一個曾經係被照顧者既我, 其實心入面有好多感受, 例如真係好想被照顧者去考慮我地既尊嚴, 感受同需要, 有時我地唔舒服, 照顧者係唔明白, 因為佢地唔會感受到我地既不適, 以為我地麻煩, 要求多多, 但我地真係好唔舒服, 見到自己要被照顧時, 其實都唔好受, 所以照顧者真係要多多包容同體諒係好重要, 一見照顧者既眼神嘴臉, 甚至一句說話有乜唔好時, 病者係好敏感架, 跟住個心會覺得自己都唔想, 覺得自己已經病仲要睇人面色, 其實照顧者可以多啲同病人傾下計, 聽下佢有乜野不適, 再adjust下點會幫到而又令病者覺得舒服, 咁大家都唔洗角力啦!
如果你身邊既至親有大病, 你都係處於好無助時, 都不妨同過來人傾下, 取下經, 但最重要都係同病者多傾計多溝通, 共勉之!