煩惱退散 – 乳癌治療常見問題大滙集 – 感想


一連兩集煩惱退散已完成,唔知姊妹們既煩惱退散未呢?☺️

當收集兩集(乳癌治療同埋康復後)既問題時,居然康復後既問題多到眼都花,證明左大家喺康復路上有幾大壓力😞😞

尋日呢集係講康復後既迷思,一朝比蛇咬,十年怕草繩,我哋患過一次癌症後,真係好怕佢又再黎,做完treatment 後冇左化療標靶既金鐘罩後,會成日疑神疑鬼,集合左咁多問題一次過問晒兩位醫生,希望大家清楚明白晒後,唔洗再擔心,好好咁生活☺️☺️

好多謝HKIOC為我地group做呢2集既講座,好多謝張寬耀醫生出心出力仲請左2位咁重量級外科醫生柳漢榮醫生同埋林仰傑醫生既客席幫忙,仲有好多謝Ada兩脅插刀幫手主持,仲有仲有IOC marketing 團隊,一齊去傾rundown,燈光,音效,時間…..

尋晚第一次認識林醫生,都係一位好貼地既外科醫生,年青有為,好有心為病人著想既醫生,尋日好詳盡既解答,好多謝你呀🙏🏻🙏🏻🙏🏻

返到屋企坐定後,睇返姊妹既feedback,全部都好既positive, 有姊妹好開心我地將佢既疑慮帶出,佢地而家開心晒,大家都好多謝兩位主持同幾位醫生啊!我地見到你地煩惱退散,辛苦都值得啦😘

分享: