確診第一天
2019 年 1 月 5 日 Jacqueline的抗癌經歷 抽完針，柳醫生建議我照埋Mammogram，照完等埋個報告返去比佢，順便睇埋抽針報告。
一拎左Mammogram報告就打開黎睇，見到個報告鬆左口氣，因為結果normal, 仲同老公講結果冇事，一陣去到醫生到應該都冇乜野。
一坐低仲同柳醫生講係唔係冇事？我見Mammogram冇事，點知柳醫生話抽針係癌….. 我以為自己聽錯，明明mammogram係冇野，我再問醫生一次，佢話抽針結果最準，係癌，但係腫瘤size唔大，係一期。我真係比唔到反應，期後佢講解手術點做，我都唔係太聽到，眼淚不由自主地流下，我估老公當時都應該係扮鎮定，聽到佢問醫生手術係唔係全身麻醉但佢講左麻痺……….最後係醫生知我10號去旅行，佢都覺得反正改變唔到又唔係好急，去埋旅行先返黎手術吧！於是就約左16號做手術，但我既眼淚仲係咁流。
走左後仲同仔去比賽，一靜落黎眼淚又流，眼都腫，點同父母交待好？為人子女，冇好好咁保重身體，要佢地擔心，講唔講好呢？但我每個星期都返屋企食飯，暪唔到架喎！同左哥哥細佬商量，佢地都覺得爸爸媽媽唔會想我暪住佢地，於是同左媽咪講，好彩媽咪好堅強，佢話有乜事都唔緊要，一家人一齊頂，感恩我有對正面開明既父母！