第三針啦，一打完第二針就即係完成左一半，加上第二針狀態好過第一針好多好多，感覺時間冇咁難過，第三針我仲快左打完支針。
一早去抽完血就去食個大早餐先，今日好想黎個出前一丁麵 我知公仔麵冇益不過我覺得其實開心就好，一次半次但開心冇乜所謂啦，我既口頭禪：冇野毒得過支化療毒針架啦，食完開開心心去放毒針入身體，我要用我開心既心情打贏啲毒
PS:去乳癌基金會分享小組，姊妹們分享飲食，有啲化療時冇胃口，用可樂送飯，有啲食即食麵，醫生話只要食到，好過食唔到，所以大家唔洗太擔心架，當然大大部分時間盡量食有營養食物啦，但一餐半餐真係唔洗咁介懷架