第二針
2019 年 3 月 6 日 Jacqueline的抗癌經歷 今朝一早0900返HKIOC抽血, 冇問題就見見張醫生, 中性白血球有22.13, 爆晒燈, 順利開針, 心只想順利完成, 戴個cool cap, 要自己帶備毛巾同護髮素, 要將厚厚既護髮素搽滿頭皮同頭髮先可以戴個cool cap, 仲要2個護士幫忙先可以戴到.
首先落Herceptin, 一小時過去就準備化療藥T針, 老公見我好OK就諗住落去食啲野, 我戴住cool cap有個頭套去穩定佢, 個頭套包埋下巴, 所以其實食唔到野, 我每次抽完血等既一小時都會落樓下食個大早餐, 咁可以頂到返屋企, 我一開始T針又黎敏感反應, 開始面紅, 又要襟鐘
, 姑娘又跑入黎襟熄部機, 今次冇覺得抖唔到氣, 於是又call醫生黎, 又再食多粒抗敏藥, 抖一陣又再開始, 今次比上次快左完成支T針, 跟住C針, 再坐左90分鐘post-cooling cool cap就走得.
每次做完化療當天都特別攰, 返到屋企沖完涼就上床瞓左個幾鐘先起身食野, 又要準備下一個cycle, 所以媽媽都有個特異功能，就係永不放棄既心，遇到困難會發揮無限小宇宙，迎難而上，一定戰勝