見柳醫生
2020 年 5 月 5 日 Jacqueline的抗癌經歷 | 乳癌資訊與講座 | 治療注意事項又到4個月一次見柳醫生，佢真係超好超為病人感受著想既醫生，今日可能佢冇咁忙，慢慢照又傾下計，分享下啲知識我聽，講下啲case, 輕鬆愉快。
其中一個問題，想分享比大家，最近手術既位置，久唔久就有刺痛一下，我地一遇到呢啲痛呀，硬左呀……都會聯想到一件事-復發
我都未講呢2個字，柳醫生就答，呢啲都係電療影響，佢比喻係蛋糕，面層係皮膚，跟住係脂肪，再下面係肌肉，乳腺等，電療係由面打到落底，所以電完層層都會緊啲，同復發扯唔上關係。只要做多啲伸展，慢慢會好返。
咁醫生呀，復發會有咩特徵架？答：摸到硬塊，都係勤啲自我檢查，一摸到有啲啲硬既野都要即刻返黎呀！
柳醫生係一位仁醫，佢係一個不停增值既醫生，無論幾忙，堅持去外國出席會議去吸收新資訊，佢對自己手術力追完美，對病人好上心，真係好彩遇著佢，連寬寬都話柳醫生係行內最好既其中2個醫生，佢話要做到又清又靚，柳醫生係其中一個