見醫生

我用左1-2日時間去接受後, 再加上從新出發聯盟比到好多資訊我後, 我覺得既然係HER2, 就冇得揀去接受化療, 開始要諗下一步, 積極打嬴呢場扙既心態好重要, 首先搵腫瘤科醫生先, 我以前以為所有野都係柳醫生跟進, 後來聽姊妹講, 原來柳醫生只負責手術, 手術之後既治療係腫瘤科醫生, 柳醫生介紹左游子覺醫生, 但我想問問朋友同姊妹意見.

突然想起一個朋友既家姐, 前兩年都係乳癌, 我記得當時問下佢家姐點時, 朋友sent左幾張相, 係一個腫瘤中心, 我記得環境幾好咁, 於是即刻搵我朋友問啦, 原來呢個腫瘤中心叫HKIOC, 原來佢媽咪同呢間野既老闆潘教授係朋友, 朋友家姐係睇張寬耀醫生, 咁我二話不說就搵佢啦, 再打算睇多一個醫生做2nd opinions, 第二個醫生都係朋友推介既叫廖敬賢醫生, 由瑪麗轉到養和的.

先去左HKIOC睇張醫生, 當天同埋老公 & 二姑奶去, 初初見到佢既感覺, 老實講, 我哋3個都覺得有點同網上既相有點不同, 感覺佢好似好hea, 跟住入去傾, 佢係一個好淡定既醫生, 有問必答, 佢建議我化4針TC, 18針Herceptin, 然後電療16+5, 4針化療會連埋Herceptin一齊落, 所以價錢就4萬幾一針, 淨係支Herceptin都2.5萬好彩公司Medical 有25萬top up, 張醫生話柳醫生做個手術做得好靚, 跟住佢叫我放心, 勁既副作用係4針後, 我打4針係最基本亦唔算辛苦, 話我病情十分樂觀同埋喺乳癌黎講算好輕, 醫生話應該係手術後4-6星期開始化療, 咁岩又過年, 佢建議過左年2月13號先開始.

睇完佢後就去參觀下HKIOC, 環境好好, 人唔多, service勁好.

之後去養和睇廖醫生, OMG, 去到腫瘤科, 好多人, 好多大陸人, 等左3小時先見到醫生, 廖醫生都話病情好輕, 4 x TC, 18 x Herceptin, 電療15+5, 兩個醫生意見一致, 大家都係私家, 藥都一樣, 咁我就選地方吧, HKIOC喺花園道3號, 停車場比養和平同多位, 人又少好多, 環境清靜, 廁所乾淨, 仲有一個大優點係HKIOC有Cool cap