錡樺營養餐

前牌有講過，我嘅好朋友呀Ron，佢都好想為病人出一分力，於是佢就開始設計病人餐，今日佢知我冇飯開，送咗一個餐俾我試吓，送到黎嘅時候仲係熱嘅，入邊有一個清湯蘿蔔腩，一碗粉絲蝦米黃芽白，一盒白飯，同埋一大杯羅宋湯，全部都好好味，仲好有營養，而且份量一啲都唔細

我食咗碗菜，一半嘅餸，加一半嘅飯，已經飽飽地，所有嘅湯餸都絕無味精，其實唔係病人先食得，返工嘅人都可以order又或者人少少唔想煮都可以叫呢個餐啊！

我好低B咁拍左條開箱片，入面有講到有盒滷水牛脷，但原來係呀ron加餸俾我，係一個新菜式，唔係滷水牛脷，係用薑醋煮牛脷，唔係講笑！好好食！

講咗咁多優點，都講吓少少缺點，就係運費太貴，但如果同同事夾份一次訂幾個餐， share個運費，咁就變咗好OK。

至於我哋嘅姊妹訂既餐，運費都一樣，因為運費唔係Ron收，但咁樣都唔係辦法，最後有部分姊妹捐錢比Ron去補貼姊妹既運費，令到佢地訂餐冇咁大壓力 我地籌左幾千蚊去補貼，但如果持續三個月冇人訂餐，我哋就會將餘款捐晒佢

除左多謝Ron之外，我仲多謝我老公，佢話佢唔捐錢，佢用實際行動去幫人，佢放工當日免費幫姊妹送餐，如果當日見到阿sir送到你門口，即係當天你哋係免運費啊

大家有興趣訂餐既話都可以pm Ron