阿茵畢業文

2021 年 6 月 24 日
姊妹畢業感言

最近我好多新人都唔係經我個page, 好多係姊妹referral, 因為佢地覺得入左黎真係幫到好多, 唔只心靈, 資訊都好幫到手, 因為我地group既姊妹全部都係打實戰, 真心用經驗分享, 阿茵就係由姊妹Yoko加入黎, 姊妹感受到大家既生命影響生命而跟隨我地既目標去幫到更多既人, 令到更多新確診既姊妹可以受惠

大家睇我地既畢業感言, 都會發覺姊妹係幫左好多人, 每次畢業感言入面都會多謝好多姊妹, 呢個就係我地group既力量, 希望我既正能量能夠感染大家後, 大家都用你地既大太陽去照耀更多新姊妹

恭喜你呀茵, 好高興你越戰越勇, 順利完成, 阿茵仲話好想一齊幫人, 我預左你入3.0架, 一齊繼續以生命影響生命呀

*************************

{小學畢業典禮}

今日16/6/21我小學畢業

以下係比較長嘅感受

希望有吾阻大家好耐時間吖

今年1月28日去做檢查，因為個胸有一忽痛，醫生一照，噢…不係好嘢，我安排你去抽針。其實我係心知不妙，因為係好醜樣。抽針結果當然係中左啦…第二期，聽吾到嘢，打冷震，喊，個腦轉吾到，喊落樓見到男朋友再喊大聲啲。再打比我親姊妹…再喊…打比保險人…再喊…再打比閨蜜…再喊。2月頭確診，2月中農曆新年，只剩低磁力共震，her2報告未有，等待係如何折磨。每日都勁睇YouTube 去了解乳癌係點，我要知到會有咩過程，都知道睇得多又未必係好事，但吾想做咩都吾知嘅病人。

等待嘅時間我都有偷步去睇左1個政府外科，1個私家外科，1個整形外科。

因為都只差her2報告，都只有估估下。

3月頭可以去睇瑪麗腫瘤科啦，齊晒報告。晚上，都約左私家腫瘤科，可做個比較。

政府建議 4支紫杉醇（白針）手術電 5年荷爾蒙藥。

私家建議 3紅魔鬼，3紫杉醇手術電

10年荷爾蒙藥。

我揀左私家。

3月10日正式開始落針，最後醫生話我乜都驚，安排我分開啲打，2星期一次，4次紅，4次白。

醫生仲介紹佢其中一個女仔比我識嚟安慰我。佢係群入面嘅（我之後介紹佢入群）

@Yoko

我記得第一針，你同我傾住打，講左好多反應比我知，人最怕面對一啲未知嘅事，所以我好感激你，付出嘅時間，因為之後你都再度再度安慰我

@Color

你係我第二個救命恩人，我向facebook搵你嘅，你係好正面，好正能量，當日打到去第三針左右，情緒開始吾係好掂，即刻同我通左個電話，無限安慰.支持.分享，我感激你呀！

@ jacqueline 會長

我又係向facebook 搵你，因為你回應群入面嘅人（當時有人post一啲反化療嘅短片）其實條片我都有睇過，一嚟已經係好多年前嘅事，二嚟.. 吾知真係比佢嚇屎。所以我就睇你自己嘅post，覺得你好正面去面對，我又私聊你，你好好呀，即刻回我！仲帶我入群，我覺得你係好好心地㗎，吾識呢個人，知到有需要一定幫手，我要學你！