電療篇注意事項

電療後期皮膚會微紅, 甚至會黑, 好似曬傷咁, 最緊要唔好出汗醃到傷口爛, 幾痕都唔好R佢, 因為一損左就好難好, 我教姊妹拮大脾都唔好R.

胸圍 – 千萬唔好用太緊既胸圍, 甚至直頭唔用胸圍, 但我覺得買大1個碼既sport bra會好啲, 我post相中既直頭冇像筋, 好舒服, 我喺Calvin Klein買, 不過好似而家冇得賣, 有姊妹話Uniqlo有類似, 平靚正.

運動 – 我建議呢段時間唔好做劇烈運動住, 因為要避免出汗, 可以喺屋企做少少拉筋就好.

飲食- 好多姊妹問我, 電療仲洗唔洗高蛋白呀? 答案係要架, 因為電療都好傷身, 我地要繼續進食高蛋白去幫手修復細胞, 同埋電療都會燥, 所以要飲清潤既野, 例如紅蘿蔔竹蔗馬蹄水, 椰青水, 椰皇, 節瓜瘦肉湯, 蕃茄薯仔魚湯等等都好好

又好多姊妹問, 究竟電療時可唔可以搽野呀? 我睇左好多case, 有啲電療期間搽野既結果好大鑊, 有啲又好OK, 我綜合左少少意見可以分享比大家:

沖涼 – 用一條薄薄既毛巾撘住先沖涼, 切勿用梘液清洗, 因為電療位置已經比較乾, 電療時皮膚會乾左同薄左, 再用梘會令電療位置更易爆開, 我自己就用個背脊對住個花灑黎沖涼, 洗頭時, 洗頭水既泡流落去係冇問題的, 咁就當清潔左佢啦!

姊妹既分享:

Aloe Pura Gel: Logon有售, 姊妹話買細支都夠 $88, 姊妹屋企人做放射治療而推介的, 買大支用唔晒, 姊妹教每日電完返屋企沖涼, 薄薄搽一層就好, 跟住晚上再沖涼後又再搽一層薄薄既就好, 朝早起身後, 用清水輕輕洗走層gel就可以出發去電療, 佢仲提醒夏天搽薄啲, 因為怕太厚再加出汗, 好易有細菌, 同埋太厚怕洗唔乾淨會影響電療效果.記得電療前4小時係唔可以搽任何野

Skintegrity: 醫護人員推介, 夠滋潤, 都係薄薄搽一層同埋電療前要清洗乾淨, 記得電療前4小時係唔可以搽任何野.

精油: 我自己就用YL既精油, 我用既有helicrysum, lavendar, sacred frankincense, lavender對曬傷好好, helicrysum加快皮膚修復, 增加皮膚緊實度, sacred frinkincense可以緊致肌膚, 皮膚修復, 我會電完加V6稀釋, 輕輕印喺電療位置, 每日一次, 星期五六就會搽多幾次, 因為星期六日都唔洗電療, 出發去電療前都可以搵清水抹乾淨, so far, 我電療只有紅左, 連皮都冇甩, 好多人電完之後先開始痛同埋爆開傷口, 我就電療完幾日就開始好返, 感恩感恩.

以上純屬個人意見, 大家要自衡分析, 最好當然係聽醫護人員既指示