乳您一起，讓乳癌患者手牽手共渡難關

當一確診乳癌時, 腦內完全一片空白, 但有好多情緒, 傷心, 難過, 恐懼, 無助, 憤怒都集合埋一齊, 覺得自己都係一個好人, 點解個天要咁樣對我?

我腦內不停浮現出來.......十萬個為什麼? 我都係一個好人, 好女兒, 好太太, 好媽媽, 點解會係我????

當好徬徨無助之際, 身邊有好多朋友話放心, you’re not alone, we will stay with you……突然覺得呢啲說話都好難聽, 手術係我, 化療係我, 電療都係我, 點stay with me????！

但當同路人伸出手黎拖住我時, 即時有股暖流進入我心, 因為佢地確確切切行過我將要面對既路, 感覺唔再孤單, 真係有人同我一起, 所以好返後, 我希望寫返一個page去幫人, 令到新確診既姊妹有人同佢一齊, 唔再感覺孤單而成立左乳您一起。You’re not alone

群組既宗旨, 乳您一起。You’re not alone係靠所有姊妹一齊去互相分享而出現, 我哋全部人都經歷過既乳癌病人,病時藉住大家既經驗同資訊既分享, 令到整過過程都順利好多, 希望大家病癒後, 一齊以生命影響生命, 將呢個信念繼續承傳落去比新確診既姊妹。