Big Day
2019 年 2 月 13 日 Jacqueline的抗癌經歷 | 治療注意事項 開針，0900去到HKIOC抽血，見醫生，冇問題就開針，落化療藥T針前要pre-cooling cold cap, 所以落左支Herceptin 先，1小時落完，用鹽水沖一沖就黎T, 老公話去食啲野先，姑娘話初初落得慢啲，有唔舒服記得要開聲，一開始就覺得面紅，記得我一個故友同我講過佢化療又係面紅晒，姑娘鬧佢做乜唔出聲，因為呢個係化療藥敏感，好危險，我一諗到佢講既野既同時，我開始呼吸困難，立即按鐘，姑娘衝入黎按停部機並call醫生，我都嚇一嚇，即刻call老公，嚇到佢即刻衝返上黎，醫生黎到，開多粒抗敏藥再休息半小時再開始，用龜速既速度慢慢落，明明落一小時既藥，落左2.5小時跟住落C針，完左後，cold cap要post cooling 90分鐘， 走得時已6點，好攰啊！
Remarks: 化療前一天要開始食3日既類固醇，醫生會開定止嘔，止痛，止暈，胃藥看門口，so far我冇食過止暈止嘔藥啊！