Ceci既畢業文

開左group咁耐, 久唔久就遇到一位姊妹會失去方向, 繼而負面情緒不斷發酵, 恐懼來自未知, 佢地失去方向有時係藥物影響, 亦有可能係對將面對既事唔能夠安心, Ceci就其中一個.

恐懼令到Ceci好想搵到一個安全既水泡, 初初我地點講都好, 佢都仍然好唔安心, 聽得佢講左好耐先發覺對佢最重要係醫生對佢既鼓勵同埋話比佢知係會康復, 因為醫生先係醫佢既人, 同路人心靈上既安慰並唔足夠令佢平靜.

幸好最後Ceci搵到佢心靈雞湯既醫生, 原先既醫生唔係唔好, 只係有時唔同既醫生有佢唔同既style, 有啲好caring, 有啲好直接, 有啲病人鍾意caring, 有啲鍾意直接, 所以好多時我地都叫姊妹睇多個醫生, 搵一個適合自己既係好重要, 見到Ceci之後精靈返晒我都安心晒!

恭喜你呀Ceci, 好返架啦, 可以睇到個女嫁, 第時仲要幫手湊孫添呀! 我地繼續一齊手拖手到老.

************************************************
到我畢業啦🥳🥳🥳😍😍😍
首先要好多謝 感恩有會長Jacqueline 😘😘😘日日夜夜聽我電話開解我 唔覺得我煩🙏🏻🥰😍😘
多謝我表姐介紹左會長比我識 同埋會長Jacqueline 開左呢個group 感恩 😍

入左group 識左Brenda 我又不停打比佢 完全唔覺得我煩 感恩仲有Sandy 解答左我好多問題 我又經常打比Sandy 問問題 感恩 仲有Ada Fion Gin Color Virgi Kim 仲有開心果Cynthia 仲有同期姊妹 Katherine 最後一針黎陪我 仲買埋水果黎 感動🙏🏻😘😘😘 仲有Anita 有問必答

由3月1號抽針 3月9號報告 個醫生面色沈重 話我個腫瘤係惡性同淋巴已經有感染 我馬上攬住我老公 問點解會係我 😭醫生馬上叫我照pet 加 磁力共振 報告寫腫瘤3.2 淋巴2粒感染 仲要係三陰性乳癌 聽到後簡直晴天霹靂😭 我仲有個11y既女 點算 我仲要冇買保險 我d親戚同我哥哥同老公幫我所有錢 我老公連份工都遲埋 全程早 午 晚 咁多餐 煮晒 不停煲野比我飲 之後3月25號係養和開第一針 免疫治療加白針 第10日開始敏感 好嚴重全身都係 又搞左一輪先好番 🥲到第二針免疫 去黃婷婷到照 個腫瘤冇細過 黃婷婷就話要轉藥啦 個腫瘤咁大 好容易復發啦 其實黃婷婷都係緊張我既病情 但之後就開始癲左咁 因為聽黃婷婷咁講 好驚好驚會死🥲 我仲有個11y個女 後來會長同我老公係咁開解我 我再開始重拾信心 第三針開始宿得唔錯 到第5針轉左去寛寛到張寛耀醫生 開始紅針再加免疫治療 宿得好理想 到第7針照pet 腫瘤同淋巴都冇着燈

之後再手術 手術前幾日又開始發燒 😆 好采經會長Jacqueline 第3針時介紹柳漢榮醫生比我 我發燒幾日都有同柳醫生講 到手術朝 都仲發燒 凌晨5點w柳醫生 柳醫生比左好大信心我 我發住燒都完成左手術 好感恩有柳醫生 但手術出黎腫瘤同淋巴都仲有癌細胞 但好微量 所以pet 照唔到 之後25次電療 電電下又停左幾日 因為我電到上頸 所以喉嚨同食道超級痛 但最後都完成晒 由確診到今日我都晚晚雙手合十晚晚向天祈禱🙏 由3月到而家 好似好難行 但最後有老公同個女同親人同呢個Group 陪住我行 好感恩今世有呢個老公 由確診到而家 每一次都係我老公陪住我出入醫院 好想同我呢個老公同個囡永生永世都係埋一齊😍🥰😘 好感恩 🙏😇😇😇 黎緊食埋口服化療藥 😊 大家姊妹加油呀 我地會好番架 大家可以同最愛既家人朋友一齊健康到老架 🙏😊😇😇😇♥️♥️♥️

#乳您一起youarenotalone
#乳您一起畢業感言
#化療經歷
#以生命影響生命