Ceci既畢業文

恭喜你呀Ceci, 文采好唔好唔係重點, 重點係比自己呢場既黑風暴一個總結, 我好記得我畢業前一日, 喺屋企唔出聲2個鐘寫呀寫, 希望將呢件事黎個總結, 心入面諗住我畢業啦, 上天比我呢份功課, 我做到了, 唔知你有冇同感, hehehe…… 大家都比啲鼓勵Ceci吧

感恩我地個group帶到比你安心, 正面同埋真係We’re not alone, 記得比個大讚自己啊!!! 仲記得你當時好想同我傾, 但我你得我未得, 我得時你又要煮飯, 最後我地終於都傾到電話, 幾個月就咁過左, 以後要笑, 唔好再流眼淚啦, 有時間留低幫下師妹, 我地要繼續手拖手健康到老啊!

***********************************************

各位姊妹好，今日我最後一次電療啦 到我畢業啦，原本我唔打算寫呢篇畢業文 因為文采唔好，但我覺得有必要要係度多謝大家。

確診到而家已經大半年過去 諗返呢件事既真實又不可相信 但係無論如何我哋都都要積極咁去面對

係到我要多謝會長帶我入呢度，等我知道You’re Not Alone 如果唔係你我唔知仲要流多幾多眼淚，還記得嗰日你打俾我同我講咗好多 等我知道原來呢個病都唔係咁恐怖 呢個係惡夢嘅開始亦都係人生另外一個轉折點

然後再遇到Lucy我哋大家個情況都差唔多 你見到我啱入嚟嘅時候咁無助主動搵上我 教識咗我好多嘢 我係一個我大頭蝦同無記性既人 好多問題重複又重複咁去問你 你都不厭其煩咁去回覆我 同你識咗半年但係已經好似係識咗好多年咁 可能呢啲就係緣分 我經常都話 雖然呢個病係不幸 但認識到你係不幸之中的大幸 愛你

仲有Ada呢個大師姐 一本行走嘅百科全書好感謝你無論任何時候都可以及時解答我哋既問題 好鍾意睇你每日分享俾我哋嘅嘢

另外仲要多謝兩位Cherry ，一個係將假髮送俾我 解決咗我化療之前嘅擔憂 另外一位就係原本係打算將自己既小小經驗話比你知，點知仲問埋啊仔功課

多謝你呀，你都已經化療完結，祝你嚟緊既電療治療順順利利 。

以上不論係你哋定係其他各位姊妹我都好感謝大家 一齊陪伴的日子 感動的話我唔識講 但在心中 最後祝各位身體健康 新年快樂 家庭幸福一齊手拖手行落去