Daphne 既畢業文


7月時將Daphne交比義工team再將佢加入3.0,眨吓眼佢完成治療啦,Daphne係group到同好多姊妹都算熟,真正既自動波,仲搵到佢既同期,每次有新人入group,我都要大家自我介紹,因為新人可以搵到同自己相似case或同期,有同期一齊行,會有動力好多,we’re not alone😘😘

Daphne恭喜你畢業,要讚你叻叻,遇到問題識得叫救命,搵人支援,亦好多謝你主動留低幫新人,我真係好需要大家幫手先可繼續行落去,我地以後要健健康康,開心到老啊!

***************************

終於到我畢業喇🎊,响呢度首先多謝既一定係會長,好多謝你🙇🏻‍♂️,記得當晚個人失魂落魄地send左個msg到you are not alone 求救,會長很快回覆我,安排我入group,得到很多既資訊,得到很多既安心,很多既支持,從個病咩都唔知開始,見到咁多姊妹既介紹,原來可以細分咁多類別,醫法亦人人有所不同,每次迷惘之中,都會有很多姊妹紛紛出來解答我既疑難,從而安心,藉此亦向各位姊妹說聲道謝🙇🏻‍♂️🙏🏻,Ada,都特別多謝你每次都比我詳盡既解釋🙇🏻‍♂️,令我明白,仲有小欣子 , Jay, 我既兩位同期姊妹,手術期間我地互相陪伴,互相問候,轉眼我地就已經順利渡過手術,多謝你地😘,小欣子,雖然我同Jay 已完成治療,我地會繼續陪伴你,你要💪🏻呀,等你畢業。

入左呢個group以後,我深深感受到愛,特別是同路人既愛,當中大家深同感受,互相扶持,互相理解,互相安慰,確實係一份難得,雖然現在我暫告一段落,但我希望繼續留在這裡,以我自己識既,有經歷既,去幫助其他姊妹,很記得會長講既一番話 “以生命影響生命”, 我要做到💪🏻,各位未完成治療既姊妹,我會繼續支持你地,等待你地遂一畢業,開心樂觀地迎接人生新既一頁,💪🏻💪🏻💪🏻

分享: