Emily媽媽畢業
2022 年 9 月 2 日 姊妹畢業感言 Before開家屬group前, 好多家屬都係我自己照顧, 但如果屋企人咁岩係HER2呢, 我HER2 group姊妹都welcome家屬, 仲幫手照顧添, Emily就係其中一個, Emily媽媽都係HER2, 同我一樣, 所以Emily能本事睇晒我page (真係買少見少) 而跟住先搵我既人, 我當然要即刻同Emily傾個電話先啦, 哈哈!
其實Auntie已經畢業左一段時間, 但畢業文永遠都喺到, 恭喜晒Emily & Auntie, Auntie要長命百歲嘆世界啊! 祝你身體健康, 平安喜樂!
************************************************
好開心到我可以同大家講媽媽今日打完最後一針啦
4枝標靶，18枝化療
首先要好多謝會長,如果唔係會長開咗you’re not alone facebook, 對乳癌一無所知既我地真係無從入手，咁就先睇曬Facebook post 先既我，見到都係同媽媽一樣係柳醫生做手術既post ，就更加想認識一下，於是媽媽做完手術出院後留msg 問下，睇下有冇人覆啦
點知仲可以講埋電話
令我立即上咗一堂可以了解乳癌！
知道手術後原來有個黃金期、開始打標靶化療前既準備及帶凍帽既分享！真心好感謝您
當時知道有依個病時真係好擔心媽媽食唔到野、因為媽媽短時間內做咗兩次手術（切除及重建）身體狀況仲承受到成個療程嗎？帶凍帽後會甩幾多頭髮呀？等等一堆既擔心，好好彩媽媽係食到野胃口好好而且仲要食埋下午茶
到入咗HER2 BB group 大家都好好人，大家都好樂意分享經歷同指點我應該要點做，有啲咩最好可以幫到媽媽？點樣可以提高蛋白質？遇到副作用做啲咩令佢好啲呢？等等既問題，真係非常感謝大家既分享
希望做緊療程既好快就可以完成，小啲副作用出現！完成療程既祝大家繼續健康生活！
唔好意思，長咗啲打擾大家
