Fanny 畢業感言

初初認識Fanny時係佢抽左針，未確診，但係佢好驚好擔心，真係食唔安，瞓唔落，日日以淚洗面，儘管醫生話中招機會唔高，我都覺得佢未必係中乳癌，但係佢真係好驚好驚，我係明白當面對癌症突然來襲嗰種震撼感，所以我都冇將Fanny加入2.0, 希望先等佢做手術後再決定，擔心佢入左2.0仲多野諗。

好感恩最後Fanny手術後真係良性，冇跟進治療，雖然談不上係畢業，但Fanny都好想寫返段感言去講返今次既過山車事件去鼓勵有懷疑但未確診既姊妹。

Fanny, 多謝你既無施分享，以後要愛自己呀，祝福你以後健健康康，開開心心

****************************

我叫Fanny 4+ 師奶－名

1月頭 乳房例行檢查mammogram 正常，ultrasound R10-3 Cat 4A，睇報告醫生個樣好嚴肅，每隻字讀比我聽，但我聽到”癌”字已經標冷汗，同朋友講，佢話無咁容易中，仲叫我陪佢行街，頂佢， 針唔拮到肉唔知痛，馬上回家狂哭，腦海只有癌，電療，化療，對眼喊到雞蛋咁腫。

抽粗針病理報告唔確定仲係懷疑，上網睇資料，越睇越驚，終於睇到 you’re not alone,内容具資料性，個案分享，開始正確認識乜嘢係乳癌，接觸Jacqueline，佢回復好快，真的感受I’m not alone, 佢叫我盡情喊盡情崩潰之後是接受面對修復，當負面情緒來的時候我會不斷翻看同佢的whatsapp，點解佢可以咁堅。 醫生建議手術切除化驗，人生已做過四次手術，今次第五次驚到想安樂死，等待好痛苦好煎熬，病理報告終於良性。

這個谷令我成長，珍惜，面對，還有乜嘢叫無私關懷，令我反思很多。最緊要係活在當下，借鑒過去，謀劃將來，好好咁愛自己。