Fendi喺2月24號就終極畢業啦!!!!

Fendi搵我時已經完成大部份治療, 好高興認識Fendi, 因為其實佢既資訊應該多過我地好多好多, 但佢曾經講過一句, 能醫不自醫, 原來係真, 我地2.0最大既本領唔係資訊, 係手拖手一齊行, 係陪伴, 真係好開心見到一個一個咁畢業, 同埋見住做緊treatment既姊妹越黎越有信心行去行呢條不一樣既抗癌路.

Fendi, 恭喜你終極畢業, 完晒治療仲寫左呢段畢業感言去鼓勵同路人, 好多謝你, 體會到以生命影響生命, 我地繼續保持聯絡, 一齊到老呀!!好鍾意你最後一段, 要節錄落黎:

當然亦要多謝家人同愛人，佢地無私既愛同照顅，我承諾會keep住健健康康來答謝你們

最後要多謝自己，因為今次既病而有所得著，學懂放下，珍惜，我會好好珍惜第二次生命，活在當下，希望餘下的人生可以活得精彩

*************************************

遲左一日既畢業感言

我的畢業感言，長文慎入

我係喺2020年1月自我檢查時發現右邊乳房有硬塊，即時揾左梁志珊醫生做主診，經過一連串超聲波，3D乳房造影，抽針組織同Pet scan檢查，證實係Her2型同腋下淋巴有擴散，可能我本身係護士，雖然都有唔開心既情緒，但好快已經比我既理智控制左，所以由確診到開始療程，只是兩星期內的事，因為我當時心中只有一個理念……就係要醫好呢個病，可以繼續去吃喝玩樂

原來Her2型乳癌治療方案係所謂“全餐”，即係要化療、標靶、手術、電療加食荷爾蒙藥全部做哂，而係手術前先要做6次化療＋標靶，每次都要先抽血，見醫生，落藥，打升白針，因為當時仍未認識會長，未入2.0 group，所以完全唔知道有咁多資訊，就咁捱過左6次化療療程

好慶幸自己身體對藥物有良好反應，係手術前原位同腋下腫瘤都縮小到無影無蹤，所以最後只需要做乳房局部及一組淋巴切除手術

由2020年6月尾做手術到8月尾做電療，當中過程都算順利，當我自己以為中學畢業，只剩低標靶治療，可以稍稍鬆口氣亦考慮覆工既時候，問題就走出來喇

其實我有朋友係一次活動中幫會長化妝，因而知道會長有You are not alone 這個page，但當時我只like左個page，而沒有加入group，但已經得知好多資訊，亦知道會長幫助左好多同路人既姐妹

係2020年11月初某日，手術個面膊頭突然勁痛，起初都沒特別處理，但因為越來越痛，連手部活動都有影响，政府腫瘤科醫生就話係電療後遺症引發肩週炎沒特別治療方案，只有食消炎止痛同做物理治療，但係當時既痛真係困擾到一個點

係當時最無助既時候，我胆粗粗地PM會長，因為我知道會長認識好多姐妹，想知道下會唔會有姐妹都有類似既情況，亦因為咁樣我就入左group，係谷到認識到各位姐妹，一個好有愛，有笑有淚既谷

會長 @Jacqueline Tong 多謝你帶我入group，請原諒我性格係少少內向，所以可能比較小互動多謝每一位姐妹既愛，雖然我地素謀面，但當中既關係好微未妙，好似已經識左好耐既知心朋友，上至病況下至家庭事業，任何鎖碎事都可以同大家分享，真心感恩，所以大家都要身體健康開開心心一定要手拖手一齊笑一齊到老

當然亦要多謝家人同愛人，佢地無私既愛同照顅，我承諾會keep住健健康康來答謝你們

最後要多謝自己，因為今次既病而有所得著，學懂放下，珍惜，我會好好珍惜第二次生命，活在當下，希望餘下的人生可以活得精彩