HKIOC張寬耀醫生 & 東區醫院
2020 年 7 月 30 日 其他分享 最近2.0好多姊妹經我詳盡介紹寬寬後，都去左HKIOC搵寬寬做treatments, HKIOC 既人叫佢做寬爺，我就將佢可愛化叫佢做寬寬，原來我呢個page已喺HKIOC 薄有名氣
因為好多姊妹見寬寬時都話係Jacqueline喺呢個page到大讚HKIOC & 寬寬。
寬寬醫生係我既腫瘤科醫生，佢既幽默，貼地，接受病人既考慮去安排療程而深得2.0姊妹既歡迎，每次見完寬寬都會有一堆笑料，我話將大家既笑料加起黎，可以出書我成日教姊妹，見寬寬前一定要做功課，諗定啲問題，只要你肯問，佢一定肯答，唔會趕你走，但你唔問佢只會解釋佢要講既野，所以要做功課呀！今日不約而同，連埋我有5個2.0姊妹睇寬寬，當然要雜郵影相留念啦！
今日同寬寬討論左隻新口服標靶藥，新藥名叫Neratinib, 係一種新既口服標靶藥，專比荷爾蒙陽性既HER2型既人服用，會打晒herceptin後再食一年既Neratinib，打完herceptin 一年內都可以食，可以再降低復發率，寬寬話我係可以食，但一聽個價錢就唔洗諗，$48000一個月，實在負擔唔黎，寬寬都叫我返東區問下政府會唔會有機會攞到呢隻藥，今日咁岩要返東區覆診就順便問問，醫生話HA仲未有呢隻藥，要開大會討論下入唔入，佢叫我9月再返去睇下有冇好消息。睇下我好唔好彩啦。