Janet畢業文

Janet係一個好sweet既女仔, 初初佢地打算生BB而去做檢查, 點知因為咁樣而發現乳癌, 打亂晒陣腳, 亦因為個病, 令到佢同老公關係更緊密, 老公更為左Janet, 睇左好多醫學文獻, 學左好多醫學知識, 又因為Janet係HER2, 標靶好貴, 佢老公仲考入政府做, 令Janet打標靶可以免費, 呢個老公真係無得彈, 亦因為滿滿既愛, 令到Janet無畏無懼加上老公悉心照顧, 好順利咁完成

Janet, 你地既愛情故事, 令我明白愛要及時, 有時真係唔洗諗咁多將來係點, 最緊要活在當下, 無悔今生, 我祝福你以後健健康康, 同老公恩愛到老, 當然都要拖住我地一齊到老啦

**************************************

終於到我寫畢業感言啦！

20年11月4號確診Her2 er/pr+ 3期（生日前2日）, 係我人生中最震撼嘅生日禮物, 11月5號第一次見腫瘤科招醫生, 雖然醫生話好有信心, 但因為係較惡既Her2, 要接受全餐治療。 當時自己唔敢睇資料, 所有睇資料既責任就落咗喺我老公身上。 找到2.0 Group 都係我老公既功勞。

好多謝Yuen Yee, 睇到我老公fb留言同我哋聯絡同帶我入group。 好多謝Jacqueline會長成就了這個咁有愛既WhatsApp Group。 姊妹們真係好熱情, 所有問題都一呼百應, 治療過程有妳哋陪伴真係唔孤單, 個Group好正girls talk乜都講, 好抱歉有時真係追唔切post。 好感恩我由第一針化療雙標靶, 手術, 到電療都尚算順利, 好感恩遇到好醫生, 感恩有2.0 Group, 由徬徨無助變得資訊滿瀉, 充滿希望。特別多謝大西北姊妹們, 有小玲, Denise, Char, Goldie, 嫻, Hidy, Gloria, Cherry, Tracy, Kandy, 多謝陪伴, 大家互相幫忙, 在心中。仲有2.0 Group 既 Kathy, 歡樂Ada, 愛姐, 電療解答我疑惑嘅Roxana, 多謝你哋既資訊, 笑聲和問候。 仲要多謝我既家人同朋友支持及探望。

最後要借少少位多謝我老公。由確診到宜家最大壓力一定係佢。所有治療資料, 申請資助, 保險, study醫學文獻, 打升白針, 食療, 康復運動資料, 都係佢一手包辦。連腫瘤科醫生都說笑問我老公係咪行家, 熟悉程度可以同醫生一起討論。佢仲考埋入政府做, 幫我慳吾少醫藥費, 醫生都要俾個like佢。 好多謝我老公對我無私照顧。 我要同所有康復姊妹一樣, 用健康既身體來報答您。 要保持心境開朗, 身體雖然有毛病, 但心不苦, 好感恩遇到的一切。

仲有幾次標靶, 就重生la。各位治療中嘅姊妹加油, 共勉之！