認識Jay後，佢話佢既人生可以出本書，聽完後真係覺得可以拍成戲，心好肉赤呢位神奇媽媽！
但隨住呢個病既終結，所有唔好既野都通通完結，Jay由今日既畢業起，大踏步行第二次生命以後健健康康，我地繼續手拖手到老 祝福你身體健康，以後開開心心，平安喜樂
*****************************
會長，各位姐妹今日我完成咗15次電療啦！電療師喺我最後一下閉氣完成後同我講＂恭喜你，你畢業啦！我好感動眼淚直流
會長，好感恩喺我有懷疑嘅時候就係fb 遇到你！我由日日惶恐不安、以淚洗面、不敢面對、不肯就醫到遇到你嘅文章，再由你第一步就帶住我走！介紹咗好好嘅柳醫生比我、再帶我入Group! 係你令我嘅路變得好輕鬆地行好多謝ada 不厭其煩地秒速回答我嘅問題，你真係好熱誠、好有愛，全部姐妹都因為你變得活潑開朗；好多謝Fion 主動聯絡我，陪我見醫生，我一次、兩次、三次話唔想麻煩人，Fion 仍然聯絡我，陪我拎報告，我十分感激你對我嘅關心，其實我好窩心、感動、好多謝你；多謝好多姐妹Mei、Lucy、小欣子、Cindy、Daphne 、楊楊、Queenie等等…喺我各方面有擔心嘅時候都會同我傾偈、分析、鼓勵、解答我嘅疑問、甚至乎喺教育仔仔方便都給我唔少意見！
一向以來我嘅膊頭都好重，乜嘢困難都自己面對，從來不求人、亦不敢求人，凡事預定最差，知道唔會有好嘢喺我身上發生，好悲觀，所以咩都頂到!
但今次性命攸關，擔心個仔點算，真係頂唔到嘅時候好幸運識到會長同各位姊妹，十分感恩
呢度嘅姊妹全部都好堅強、好努力、好叻，我行嘅路比大家輕鬆，亦得到各位嘅支持、關, 而我每一天亦都陪伴着大家一齊行！
我哋大家不論係1.0 、2.0定3.0 嘅姊妹都要手牽手到老、一齊健康開心到老，繼續將會長＂以生命影響生命＂嘅理念延續、承傳落去