Jojo終於畢業啦

好靚女既Jojo, 真係可以選港姐既Jojo, 仲要入得廚房，出得廳堂

好記得你一搵我就不停咁問，好行動型，但諗到好遠好遠，我要幾次截停佢，拉返佢返黎，叫佢唔好再諗咁多，要一步一步行，提左幾次佢終於領略到就一步一步行，入左group後，姊妹們同你一齊行，真係一步一步咁行完呢8針，中間有起有跌，但你好勇咁去完成，比到好多姊妹一個鼓勵，祝福你以後健健康康，快啲同男友拉埋天窗，早日生個靚BB

*******************************

黎個短短的感言

2020多謝你地呢班好姐妹

陪我走過確診手術化療電療每段路

無你地真係無今日咁淡定既我

多謝會長你 @⁨Jacqueline Tong⁩確診當日第一個認識既姐妹，無知既我勁多發問，每個錄音都成分鐘，多謝你唔嫌麻煩第一時間解決我既憂慮帶我來左you’re not alone,從此我已經無再流下無助既眼淚，坦白講8針化療相當難捱

日日攤係床、梳化，每次只要我講唔舒服，都會好多姐妹提供辦法幫手解決，經歷過既同路人所講每句說都幫我打左強心針，仲有特別特別多謝 @⁨Rita, ⁩係佢主動私訊我話幫我睇下份保險，本來連我公司HR都以為無得claim既療程,Rita真係等同幫左我30幾萬仲有 @⁨Ada姐做埋我心理醫生安撫我，成日私訊煩佢都照單全收，其實仲有好多姐妹都好愛護我呢個煩人我唔逐一提你地，但你地每個都係我心裡，我好感激你地一直都在，將來係點我都唔知，但更加珍惜現在既所有野，學識諗野唔使諗咁遠，更加要活在當下

2021年我地都會幸福地過