Karen 畢業了

Karen係1.0其中一個姊妹既一個好朋友兼同事，Ronnie搵我時叫我同Karen傾下，話佢岩岩生完BB，所以好灰，好擔心佢唔醫，我當刻就諗：你係同路人都勸唔到，我可能都冇用？但同自己講點都要一試

結果，同Karen傾左一陣……得左！仲將Karen加入我地2.0，好快Karen就決定治療仲變得積極樂觀，今日畢業啦！好感動好感動，以後要好好愛自己啊！我地期待一齊到老

*********************

Karen既畢業感言

24/12/2020

值得紀念既一日,終於完左化療啦

真係希望以後都平平安安

諗番差不多大半年前，我仲大住肚

摸到個胸有粒野

產前不論私家同政府我都有問過醫生

醫生都話無事,d hormone 令到咁

到我生完後，唔信邪，醫生終於refer 我再睇外科，幸好醫院又有個快期，生完兩個月就排到抽針

剛剛出世阿仔又輕磅，又玩血糖低，又甲狀腺不足，頭兩個月無限同佢覆診，又擔心又怕收到醫院電話，果段日子好難捱

直到settle 左佢，我去抽針，當日照住usg 抽，我問醫生似唔似衰野，佢都話唔似，諗住好放心，繼續湊仔，過兩日收到電話叫我提早覆診，心知不妙！第一個反應都無喊，淨係係雪櫃倒晒d人奶

第一時間我都無搵我好朋友兼病友@Ronnie 因為我知佢比我更擔心，不過佢又記得我去抽針，我講左佢知就介紹左個好醫生俾我睇

17/8 做左pet ct 都話淋巴無事，其他器官無事18/8做完手術，預計3個鐘足足做左5個鐘，醒番仲係手術室第一時間摸自己個胸，竟然摸到有個樽仔，即係我淋巴有事啦⋯⋯大獲啦

自從我有事之後，我老公都唔係好鐘意我個仔，覺得我唔大肚就無事，成屋都愁雲慘霧

兩個星期後手術有報告，知道係3陰，果日同我老公一齊，我問馬醫生唔化療仲有幾耐命

我老公喊左出黎，3陰真係好可怕，不過亦都好彩係3陰，係confirm到完全唔關我大肚事

印象中化療好恐怖，好似會虛弱到長期攤係到，又喪嘔，又變瘦，又無頭髮

果時真係臨住切左就算，唔醫，第二日已經將所有儲蓄保險過晒去我老公名。ronnie知道我乜都夠膽做真係唔會去醫，佢都聲淚俱下。係最後我老公話我唔醫不如全家燒炭先book 左私家化療，日日夜夜都好擔驚受怕。直至Ronnie 介紹左Jacquelline 俾我，佢好好，主動聯絡我，因為果陣我都唔係好想入gp ，就算係ronnie 上年佢病，我都唔覺佢係同路人，因為覺得自己大獲好多。

終於黎到今日化療完啦

@⁨Ronnie-⁩第一個多謝既係Ronnie, 無佢我根本唔會咁積極去醫唔會入到呢個gp, 上年我擔心你擔心到喊，估唔到今年你咁快還番d眼淚俾我，以後大家唔洗喊，一齊健康到老

@⁨Jacqueline Tong⁩第二個一定係Jacquelline, 好似天使咁，同你講完好似打左支強心針咁，好舒服，我好少主動去搵人，你竟然主動搵我去開解我鼓勵我

同埋知道我消失一排會主動pm 我，好多謝你

@⁨SandyC⁩第三個就係sandy, 令到我明白就算係3陰都唔洗愁，化療其間有你指導先可以減低副作用

教我拉下筋，食d咩會好d 啦，有你令我可以針針順利無留班

@⁨Wendy chan⁩仲有係shan 雖然遲過我入gp,但係大家background 一樣，一樣3陰，一樣搵馬醫生，一樣住將軍澳，成日互相關懷，不過多數你鼓勵我，係我濕疹發成身痕介紹我用天然藥膏，好多謝你，你都要順順利利

@⁨Ada Cheng 打氣⁩最後，一定要多謝Ada, 係你令到我有信心化療係唔辛苦仲可以吃喝玩樂，你post 野出黎真係令好多人放心唔驚化療，連我老公睇完都話「咁都得」？

仲有好多姐妹，大家一定要順順利利，一齊健康到老呀