Kat既畢業文

回想起岩岩識Kat, 由一期變三期, 久唔久都有類似case, 真係好令人頹喪, 但回想起既時候……已經不知不覺就完成左啦! 我仲記得你做緊treatment時, 接受姊妹幫助既同時, 你都有幫助返姊妹, 呢個精神真係好難能可貴, 多謝你呀!

見到你畢業, 我心入面都好開心, 睇住你開針, 睇住你完成化療, 電療, 回復正常生活, 今日見到你既畢業文, 即係你已經從新出發, 好返晒, 我地檢討過去, 開始第二次人生, 要健健康康, 開開心心啊!! 祝福你呀!

*********************************

見到姊妹post畢業論文，我都啲起心肝寫(偷懶左好耐)。

回想起當初確診到完成治療，除了感恩，也只有感恩。

由檢查到知道自己確診，再到做手術，事情雖然來得突然，但心情尚算平靜。心想：我沒有選擇，只可按程序一步一步治理。

但到手術後，才知自己淋巴有感染，由一期變三期，心情直入谷底。加上手術後的引流問題，當時真的不知所措。好彩Karen(2.0的姊妹)介紹會長俾我認識，帶我入group，有一班師姐拖住，事情變得輕鬆多。

我好想多謝：會長對我地每一個的幫助、鼓勵同付出；人肉字典Ada的秒速詳盡回覆同樂觀性格。你地果句「都係一樣咁醫」好重要。仲有Dora同Yan，在我遇難題同心情不好時的幫助與支持。還有各姊妹在群內的分享、資訊，讓我在每一階段都作好心理準備。感恩讓我遇上你們。

幸運的我，有一群家人親友作後盾，讓我可放鬆心情面對治療。所以整個治療過程中，副作用不算太大，沒有驚天動魂的場景。感恩有着家人陪伴走過這段路。

復康路上，讓我們一起手拖手走到老。謝謝大家！