Kathy畢業感言

Kathy係經姊妹介紹入group, 入group初期, 我地就咁聽佢講話有嚿衰野都大, 淋巴有粒波子咁大, 醫生話9成係衰野, 樂天既佢仲認為仲有1成唔係, 佢只得32歲, 兩個小朋友既媽媽, 但見佢唔知係唔係逃避, 仲相信自己係呢無事既1成, 所有野都慢慢進行, 我地成個group就一直為佢著急, 但佢好似一啲都唔急, 正常既我地會驚到有咁快得咁快咁做檢查, 所以曾經大家有諗過佢會唔會係假既呢? 後來我忍唔住PM佢, 同佢講件事有幾迫切, 終於佢明白我地點解咁緊張然後判若兩人去積極治療

因為Kathy好想快啲開針, 而政府趕唔切, 於是佢打算去HKIOC開針, 點知開針前一日發覺原來第一針雙標靶既P針係要雙倍劑量, 即係要雙倍價錢, 價錢係要13萬左右, 實在負擔唔到, 我地即聯絡HKIOC Nurse IC Betty去幫手, 睇下有冇辦法, 例如資助, 收平啲, 用副廠藥, HKIOC真係超級好, 佢地襟爆計數機, 好盡力去幫Kathy喺能力範圍內開針, 之後就返去政府繼續.

點知Kathy去既威院原來冇東華資助, 只申請到單標靶資助, 於是我地又聯絡羅氏大藥廠睇下可唔可以幫手, 羅氏大藥廠又係超級好人, 幫我地聯絡好多間HA, 睇下邊間有東華資助又可接受跨區跟進, 最後寬寬寫信比東區, 東區接受Kathy case, 東區醫務社工又加快進度, Kathy可以後面4針雙標靶免費, 今日終於完成啦!

好多謝好多謝咁多人去幫手, 將一件看似冇可能既事變為有可能, 除左咁多人既努力, 都好感恩Kathy冇放棄, 想盡辦法去幫自己排除萬難去完成, 每一針有幾日唔舒服你都話想撼頭埋牆, 幾日後復活你都努力去追磅數, 仲鼓勵姊妹, 好多謝姊妹既籌款, 出心出力送物資, 陪診，無言感激, 團結就係力量.

Kathy, 你仲有手術, 電療, 同埋14針標靶, 但我唔擔心你架啦, 你身邊有咁多天使再加你既努力, 我相信你一定可以打嬴呢場勝仗, 加油呀! 一齊努力, 一齊手拖手到老

*************************************

大家早晨丫。今日係我最後一針化療。我要同化療永別了。回想起上年十月發現個腫瘤時，一直都覺得唔會化cancer，我得32歲啫。就算去照ultrasound，醫生話9成係衰野，我都安慰自己，仲有一成機會無事。到要抽針時，根本無辦法唔接受事實。好好彩，呢段時間有家人，朋友陪伴，望住對年幼既仔女，我唔捨得佢地，就算我幾驚都好，我都同自己講，要撐住，佢地無佐媽媽會好慘，其實每日都過得好辛苦，日頭對住佢地嘻嘻嘻哈哈，到夜晚就獨自流淚之後又好好彩，識到同路人，仲入佐you are not alone2.0。@Jacqueline TongJacqueline 帶住我，比佐好多鼓勵我，仲幫我籌款，2.0姐妹入邊好多仲緊張過我。@Dorathy 仲比佐癌奶同一d物資我!@Tracy又專程車癌奶比我同送曲奇餅來！@敏又陪我入寬寬度睇report! @Eva Hui 陪我係威院一齊等見醫生，一齊打化療，陪我傾計。@Charmaine 多謝你幫我搞保險，我學歷唔高，要我打封似樣英文信真係諗爆頭。@Jorkin Anna 多謝你比保險意見我，係台灣都打電話過來

仲好多多姐妹要多謝。真係要tag晒全個群先得。@Ada Cheng @Jojo @Candy @Janet @Mandy@Erica Leung @Cathy Sham @Yvonne @Kit @Daphne @Ella @PY Ng @Fion @Mandy Wong @Rita @Maggie 仲有好多好多人。。多謝你地呢幾個月陪我行，聽我呻，比我放負。我準備開針了。祝大家以後都健康快樂，一齊行落去