Maggie畢業左一排，唔係佢遲寫，係我衰 我做完2個IOC既講座好開心又好攰，比自己放一個假休息一下，所以好耐冇update, 今日2021年最後一日，一次過出幾篇
姊妹們，如我出漏左，你地記得記得要通知我啊
Maggie係三陰既姊妹，ki67有成90%，因為全切而HA認為唔洗電療，但Maggie想盡力啲而最後搵左寬寬醫生做電療，終於完成了，治療呢條路上，有人懼怕面對，有人積極進取，Maggie就係後者，恭喜你呀! 好喜歡你話：這個病令我從新檢視過自己，不要再完美執著、事事緊張張、急趕，現樣樣事都要慢慢來，盡量保持心境平靜，唔再著眼在一點，一笑置之就算
電療完就好返晒架啦！以後要健健康康一齊到老
**************************
我畢業喇 終於完成晒我的治療三部曲，好多謝會長比我入來3.0可以認識到咁多姊妹，多謝姊妹們給的資訊，多謝三陰group Sandy令我更如了解自己的病，不再恐懼，同其他姊妹肩並肩一齊捱過治療，令我知道我不是孤單的。 多謝會長一直以來的幫忙和分析，最終決定在私家醫院做電療，現在治療都完，但還未收到政府通知信呢⋯⋯ 這段期間好多謝愛我、關心我和緊張我的家人和朋友，有煲湯、煮餸、車帽子比我、買物資，又經常陪我去醫院睇醫生，真是萬分感激。 這個病令我從新檢視過自己，不要再完美執著、事事緊張張、急趕，現樣樣事都要慢慢來，盡量保持心境平靜，唔再著眼在一點，一笑置之就算(希望能夠做到）。 係度祝福大家，治療順順利利，身體健康，百毒不侵