岩岩先話康復，轉頭就要照MRI，自從轉左食AI後，初初都ok，半年後開始黎料，周身唔聚財，周身骨痛，伴隨瞓得唔好，瞓得唔好肝又唔好，脾腎都唔好，漲到個波咁，成身都出問題咁，膝頭哥又痛，仲有前排驗血有個指數唔合格，再驗都係唔合格以上一切我都唔知關唔關粒藥事，所以都要搵下答案啦
我已經睇過中醫，又針灸，情緒治療，營養師……都唔得，有日經過跌打醫館又走入去跌打話我韌帶鬆左，話比寬寬聽啦，佢反我眼仲問我，佢睇到你韌帶鬆左架？ 照MRI睇睇啦！
Yes sir, 盡力搵下答案啦！搵唔到我就瀨粒藥事架啦
好想讚下HKIOC既影像診斷中心既放射技師，我照MRI係照膝頭同腳踭，照MRI係好耐，一隻腳照1小時，寬寬擔心我太辛苦，問我洗唔洗分2次照，尋日我同放射師傾左個電話，我地決定試試先，佢專登用左一個方法，等我瞓得舒服啲，希望2小時內完成，如果真係唔想就25分鐘一part, 可休息下先，結果我地一take過
第二次MRI, 對上一次係剛確診，好多姊妹話照MRI好嘈好辛苦，但我可以瞓著架我同自己講所有野都會過去，嘈就嘈一陣啦，辛苦就辛苦一陣啦，會過去架，同埋MRI既嘈就好似屋企隔離左右裝修鑽牆鑽地咁，自我閂埋耳仔，放鬆個人，睇唔到聽唔到，咁就搞掂左
好多姊妹都擔心我擔心報告，其實我唔擔心，有病就醫係我左右銘，相信醫生就得，共勉之