一年一度pet scan檢查又到，寬寬話預期逐樣照，當照到有懷疑，下一步都係pet, 不如一次過啦，咁可以搵到早期既癌細胞，早啲醫！道理都幾岩好多人都擔心照pet輻射好大，我問過幾個醫生都話照pet係傷心唔係傷身，因為荷包受傷寬寬話你電療都敢做，點會唔敢照pet, 原因係電療既輻射係pet既10倍啊！同埋佢話熄左機就唔會再有輻射，同埋呢隻輻射係唔會傷害到身體既細胞
講返今日流程:
首先登記換衫種豆打輻射顯影劑飲幾杯水等40分鐘打另一隻顯影劑瞓上床照30分鐘休息一陣度左輻射量低過15就走得
但記得12小時內唔好接觸孕婦同16歲以下既小朋友啊！不過我問清楚姑娘，佢話其實最高輻射量既時間係打落去同埋等呢40分鐘，基本上照完部機熄左就會低返，佢話有啲地方直頭唔會講要避免接觸孕婦同16歲以下既小朋友添，基本上係安全，唔洗過份憂慮！
頭先仲有小插曲，種豆時插左一半時插唔入，我見姑娘好努力堆，堆到針都曲埋跟住佢唔勉強，試下入鹽水係好順，佢就放過我啦落藥時那位細心男護話唔好介意佢落得慢，我話唔介意你慢，但我介意再插過好彩都順利希望報告靚仔啦