Queenie 畢業文

Queenie幾年前係原位癌, 點知今年一個婦科檢查, 癌症又再次搵上佢, 但因為太近大動脈血管而只能做電療, 天父再一次既提示, 令到Queenie今次真係醒啦, 放下執著, 真係睇化左, 放過別人就等如放過自己真係冇錯, 學懂放下, 活在當下, 借鑑過去, 先有機會謀劃將來, 恭喜你呀Queenie, 你除左治療上既畢業, 心靈上你都可以畢業了, 我相信你以後會健健康康, 充滿感恩過新既人生.

雖然我地唔係識左好耐, 但係你完全明白我既初心 – 以生命影響生命, 明白當徬徨時, 有一個人, 甚至一班人伸出手去拖住既力量有幾大, 希望我地以後都繼續手拖手去拖住新既姊妹, 一齊到老!!!

*********************************

各位姐妹，搞搞新意思，想宜家分享我既心情，唔等聽日lu，我明天last一次電療啦，下星期亦都上班了，希望一齊順利！

今次我覺得自己進步左，以前有壓力，唔開心，我只會跑步，原來以往我只注重身體，但其實心靈同樣重要，以前很執着，可以為好小事令自己好嬲，好易發脾氣，令自己訓唔着，搞到自己唔開心，病後，自己都睇化，做人好簡單，問自己要唔要開心，開心同唔開心自己有得揀，無謂為左d芝麻綠豆事激心，放過別人等於放過自己，閒時，自己畫下畫，做下yoga或者其他野，唔好比自己諗嘛d無謂野

重有樣野想分享比大家，如精神許可，出去曬下，太陽好有正能量，而我好喜歡對住太陽講：“我要開心，我要快樂，我要放下，我要無憂無慮”，可能你地會覺得我傻傻地自己同自己講野，但我講完個心真係舒服d,講左十幾廿次之後，習慣左呢種舒服既感覺，我相信再繼續咁做，呢四句話會成真，就等於好似d人話，講同一個大話一百次會變成真一樣

最後我想多謝Jacqueline, 好記得有晚訓唔着上FB, 揾揾下就pm她，因為太夜講左幾句Jacqueline 就休息，估唔到第二朝她好快就whatsapp我傾，咁好快就入左呢個group

Jacqueline 你講過既野我記得架，

以生命影響生命，一齊幫同路人，希望大家記得有困難，別人幫過自己，到自己有能力既時候，一齊延續落去，一齊同d姐妹行，開心唔開心一起過

同埋我想多謝Ada,一本活字典，無私分享資料同圖片，當然答過我問題既姐妹都想講聲thank you.

大家努力，加油啊！！