Miss C畢業文

Miss C都係有個好幸運既報告, 唔需要做化療, 但我地當確診時既徬徨無助同埋恐懼既感覺都會係一樣的, 所以入到黎既感受都會一樣, 只係經歷會有唔一樣, 入左黎就you’re not alone架啦!! 好感恩你搵到我地呢個大家庭, 一齊去經過大大小小既旅程, 恭喜你順利畢業, 開展你既第二次人生, 我地一齊健康到老!!

*******************************************

我終於完成電療啦,好多謝呢度既姊妹分享,特別多謝谷主Jacqueline比我加入,Ada, Cynthia and Sakura 分享,Sakura 和我的情况很相似,感謝主在我明天53歲生日前完成所有療程,開始咗食AI 葯一個月,暫時沒有太大副作用,回想4月初確診HR+ PR+ 一期冇淋巴感染,不知所措,因為人在英國有點孤身作戰,見醫生前要做定research , 查定字典點講,因為有啲專用名詞我驚醫生講咗我唔明,你們的分享另我知多好多,感恩呢度的醫生護士好好,亦會用簡單英語解釋到我明為止,腫瘤科醫生是香港移民二代,佢話睇TVB 長大,所以識講講廣東話,解釋得好清楚,療程期間都好多覆診和跟進,醫生轉介我下星期去一間leisure centre, 好似康民署咁有健身,游水及yoga class , 水中運動班之類,先做評估,因為我食AI, 教練話會教我做運動防止骨質疏鬆,你地都要多做運動,減輕食藥副作用！祝大家都身體健康一直到老,主恩滿溢🙏

#乳您一起youarenotalone

#乳您一起畢業感言

#化療經歷

#以生命影響生命