Selfish, Selfless, self-love
2020 年 4 月 10 日 其他分享 岩岩聽到一個講情緒既sharing好想share下 – selfish, selfless, self-love
Selfish – 只顧自己快樂, 冇理人感受
Selfless – 只顧身邊既人快樂, 顧晒身邊既人既感受但往往冇理過自己
Self-love – 除左顧自己快樂, 仲要身邊既人都快樂而去取得平衡
以前既我係極度selfless, 乜都仔女行先, 屋企, 工作, 一年只得幾日出去同朋友食飯, 覺得出左街食飯咁仔女點算呀? 覺得佢地會攪唔掂, 同埋同仔講出街食飯佢會扭計, 會叫我唔好出街食, 返屋企陪佢, 令我覺得好內疚而唔敢出街, 長期既勞累令到自己生病.
但病左既期間, 我有時間反思, 有時間去觀察身邊既朋友, 佢地都有仔女, 都可以有自己社交, 有自己朋友, 會放低仔女夜晚同老公去拍下拖, 同朋友食下飯, 但佢地仔女冇問題, 點解我啲仔女會覺得我唔岩. 其實唔係仔女覺得我唔岩, 係我自己發出呢種內疚感, 將個答案比左自己 (我出街佢地好慘, 我唔應該出街), 而唔係佢地唔比我出.
我開始去學習self-love, 我會覺得仔女食一日麥當勞唔會死既, 我自己都要有Me time, 同下朋友食飯, 自己去下休息下, 自從有左呢個Me Time後, 我覺得自己心靈上自在左好多, 冇左嗰種好攰好勞累既感覺.
成日話有cancer通常係生活習慣, 飲食, 情緒三樣都唔好, cancer先會走到出黎, 所以病後如果只改善飲食, 但生活習慣同情緒都冇改善係冇用, 要達至心, 身, 靈就要去諗下自己有乜野要去改善啦!