Suki & Jessica 畢業感言

同Suki好有緣, 佢既最好朋友係我一位好要好既同學既妹妹,咁岩Suki老公同我老公都係同行, 所以Janice就介紹左Suki睇我個page, 跟住Suki就入左group啦! Suki情況係可化療又可唔化既尷尬位, 姊妹們理智既分析與窩心既鼓勵, 令到Suki最終決定接受化療, 你好叻女呀! 順利完成! 呢個group既姊妹互相鼓勵, 守望相助, 發揮同路人既力量係好大, 睇到你既畢業感言我都好感動, 第時約埋Janice, 佢妹妹一齊出黎食飯慶祝, 繼續手拖手一齊變老 仲有好多謝你整比我既曲奇餅同埋心意咭, 我甜到漏晒啦

至於Jessica呢, 佢唔單只唔洗我擔心, 仲喺個group到幫到好多姊妹, 你多謝我既同事, 其實我要好多謝你先, Jessica有中醫既認識, 所以佢推介食療比姊妹幫到好多好多, 因為佢自己既專業令到佢喺成個化療過程都超級順利, 仲可以化療期間返工, 因為工作帶比佢既唔係壓力, 係動力, 係開心, 所以眨下眼就過, Jessica應承左我, 會繼續留喺You’re not alone group到幫手照顧姊妹, 無言感激 真係好高興認識你呀!

******************************************

Suki畢業感謝文

在8月尾時當自己確診時，心亂如麻，大腦一片空白，不停諗起阿囡咁細點算好，淨係識流眼淚。多謝老公一早搵咗d資料，馬上與醫生安排我22號入院做pet scan及24/8做手術。感謝係呢段咁艱難嘅時候，我的妹妹，閨蜜同老公，不斷上網搵資料。就係呢個時候我嘅閨蜜叫我上Facebook睇 @Jacqueline Tong嘅page, 世界好細小，原來Jacq係佢家姐嘅中學同學，多謝你俾我入咗2.0。喺group裏面讓我得到更多手術、化療同副作用嘅資訊，喺裏面好有愛，使到初時好無助徬徨嘅我，喺裏面得到好多鼓勵。

由於我嘅case好責界，可化可唔化，多謝得到同路人嘅分析及鼓勵，（特別嗚謝 @Charmaine, @Athena同 @Lyann）俾我信心知道要進取d，化療是為了走更長更遠的路，將啲衰嘢打低。當回想嘅時候唔會令自己後悔。好多謝 @Ella係我第一次化療痾到七彩時雪中送碳，攞止瀉藥俾我，使我可以舒緩一下，多謝 @Elaine嘅窩心慰問，仲有戰友 @Yuka，大家治療時間好近，可以一起並肩作戰，互相支持

最後梗係要多謝家人，老公，閨密，工人姐姐同朋友的關心同悉心照顧，更多謝你哋為我流下嘅淚水，為我去求平安符，為我禱告，為我整養身食材，陪我去散步同搜集不同資訊，真的好感動。你哋每一個慰問都好重要幫我加強信心，使我充滿正能量終於今日完成一關化療療程，之後再去飲碘水處理甲狀線癌，再食5年苛爾蒙。關關難過關關過，所以有病並不可怕，只要持著信念一定可以打敗佢

Jessica畢業感言

Jacqueline 和所有同路的姊妹們，我係Jessica今天都係小學畢業了，心情係開心之余還是有些 優虑和担心，但是想到有了這病唯有去接受它了，我們更加要開心去生活了，我唔係好識聊天和講嘢的雙職媽咪但自从我确診同手術治療在休息這兩個月由唐小姐帶入咗這開心果的群組，令我的焦虑担心徬徨低落的情緒消減咗，開朗的心情重新拉返來，做這3個群組裡分享到了資訊，分享到了姊妹們的寶貴經驗，感受和分享到了同路姊妹們的對生活的點滴和樂觀的生活态度，雖然群裡的姊妹們好多都未能識得晒未能接触過的妹們，但都感受到所有的同路姊妹們的愛心， 多謝Jacqueline ！多謝3個群組的所有姊妹們我們一起撐過，一起加油一起開心到老，一起開心陪住孩兒們長大，一起做婆婆和嫲嫲的目標去努力加油加油！我唔係好識写文字請見諒