Tamoxifen邊個要食？
2020 年 6 月 3 日 乳癌資訊與講座 只要你既腫瘤係荷爾蒙受體，你就要食荷爾蒙藥，有啲人會覺得要食藥即係冇咁好，其實唔係既，食抗荷爾蒙藥，抑制卵巢唔好製造荷爾蒙比乳房，就唔會再製造一個腫瘤啦，對荷爾蒙受體既姊妹係好架！
幾時食？我就一起身就食架啦，因為有姊妹分享話太晏食會瞓得唔好，所以我一起身就食，so far我冇乜副作用
食幾耐？通常5年或10年，醫生會視乎你既年紀，期數等等去決定，聽醫生話就得架啦！
到夜晚先發現唔記得食咁點算呀？可唔可以連食2粒補返？我問過醫生，佢話唔洗，最好相隔24小時先食一粒，即好似我咁朝早食開，夜晚先記得冇食，一日半日，直接skip左就得
除左tamoxifen,仲有AI選擇，AI又有3款，醫生會幫你諗食邊隻最好
今朝我唔記得食，唯有叫仔拎住一排黎公司比我啦