V記話咁快就畢業啦!

V記係又叻又靚既女仔, 佢全情好清晰要點做, 遇到困難時都好冷靜同理性去處理, 就算買假髮都好有研究, 仲會無私咁分享比姊妹

化療期間佢仍活躍工作, 但佢注意到情緒真係對我地好大影響, 好聰明既佢會諗點樣life balance, 呢個覺醒非常重要, 佢整個化療期間處變不驚, 令到我一直以為佢開針冇幾耐, 今日真係覺得佢眨下眼就完成, 好感恩有佢入左我地group, 帶左比好多姊妹正能量. 所以樂觀面對去面對個病, 真係嬴左一大半架.

V記, 好開心識到你, 亦都期待我地一齊到老, 我知道你好忙, 都唔敢開聲叫你留低去幫手照顧新人, 但你既畢業文一定能永遠留低去鼓勵到同路人架, 多謝你既分享呀!!

****************************************

幼稚園畢業 長文慎入

大家好，我係阿V，今日係我打最後一針（第六針）Docetaxel +Carboplatin, 之後還有鏢靶要打到下年四月，同埋今個月月尾會做局切手術。不過最辛苦嗰part終於捱過咗啦！算是幼稚園畢業。 我想在此作少少分享，同時勉勵還在進行療程的各位姊妹！我本身是一個完美主義者及工作狂，平時經常開會及與客戶應酬所以十分忙碌，這兩年我家中發生些事一直打了兩年官司，在確診時我還需要面對這些事情，令我心力交瘁，幸好最近終於解決了！有人說癌症是因為情緒影響為多，六是中醫所謂的肝鬱，所以得到這病實在是一個警號，提醒自己要放鬆及調整一下生活習慣！ 患病後，很多人會為你提供不同治療意見及民間偏方，我覺得最重要是保持積極樂觀的心態，聽取意見後自己衡量一下選擇認為最適合自己的，既然決定了就不要後悔！很多時候不要太勉強自己吃得過分清淡，偶爾吃些平時愛食的食物獎勵自己心情都會好好多！ 我平時也經常去行街，約朋友食飯放鬆心情（當然要指數ok先去），仲走去見工 朋友完全看不出我在做化療，可能因為保持開朗，所以除了脫髮及皮膚敏感，沒想到化療是比想像中輕鬆！ 最重要的是患病令我學習感恩，你會發現家人及真正的朋友真的很關心自己，同時你也會辨別到誰是真正朋友。我真的很開心認識到大家，希望日後可以成為好朋友！

@Jacqueline Tong最後多謝會長帶我入谷，欣賞你無私的貢獻，勉勵每一個素未謀面的同路人，更為我哋爭取福利，也多謝各位姊妹們不厭其煩地解答我哋重覆又重覆嘅問題，@Ada Cheng 特別多謝你成日秒回我哋（我對住啲客先會㗎喳）還有Her2 group的姊妹及3.0的同路人！得力是在乎平靜安穩，大家要輕鬆面對啊！