Vesanna畢業啦

真係恭喜你終於捱過, 好多謝好多謝你最後冇放棄你自己, 好多謝你相信我, 我真係流出眼淚, 我記得你當日搵我話打左一半化療, 決定放棄餘下既一半時, 我心入面係好爭扎-支持你定反對你? 但我知道我當時反對你係完全冇用架, 會令你覺得更孤單, 更冇人明白你, 於是我決定支持你, 你不停問我打少一半得唔得? 我答你如果你冇晒信心, 好唔開心, 化左都冇用, 我決定支持你, 當然我相信你身邊既反對聽音係好多, 又再過幾日你再搵我, 叫我老實答你化少一半係唔係差好遠, 呢個時候我聽得出你軟化左, 於是我就好老實咁答你再去鼓勵你, 之前我既支持令你相信我係企喺你立場去為你設想, 你會相信我而繼續向前行, 仲有好多同路人既姊妹支持你, 拖實你行, 令到你感到you’re not alone, we will stay with you架, 結果你真係越行越順, 結果你真係可以順利完成, 我地一齊手拖手行完呢場黑風暴

我都好多謝Ellen & Stephanie既幫手, 久唔久同我傾你既進度, 我真係好感謝我既沿途有你地, 有你地去幫我, 仲有好多好多姊妹默默咁幫我手一齊照顧Vesanna, 令佢可以順利完成，呢件事又發揮到團結既力量, 真正既手拖手一齊行既精神

Vesanna, 你經過人生低谷, 經過呢個病, 你變得強大, 以後冇野難到你架啦, 一定會健健康康, 以後有乜事發生, 你都會樂觀面對, 迎難以上, 希望你既經歷將來可以幫到好多人, 期待香港/澳洲見

*********************************************

小學雞畢業感言

2021, 4月7日是我一生最難忘的日子

首先，我要讚我自己和身體每個器官，呢四個半月辛苦曬！然後我想大聲地講我今日終於小學畢業啦！

回想起上年九月中確診，十月十三日做手術，十一月二十日開始第一針化療，都係帶住勇敢的心情去面對，就算疫情關係，屋k人唔可以來陪我，照顧我，我都一定可以做得到. 去到第四針紅針，打完升白後，我連續骨痛咗四日，由頭到腳，就算每日食八粒extra panadol都無辦法減輕一絲半絲的痛楚(我開刀生仔仔，冇食過一粒止痛藥), 當時，除了痛，又瞓唔到，食又冇胃口，瘦咗幾kg, 個一殺那我個人生跌咗去個深淵，冇辦法爬返出嚟，我好抗拒接受化療，終日以淚冼面，對身邊所有人講，我唔再接受化療，甚至連照顧仔仔的責任都不顧、放棄.

原來有一日下午，仔仔在我房門聽到我喊住同老公講嘅說話，仔仔跑過嚟同我講”如果妳死咗，我都跟妳一齊死”，他幫我抹眼淚，安慰我”媽媽，我有好多野未同妳一齊做，妳好返，我地一齊去完成”. 上天賜一個咁乖嘅仔仔比我，我不但冇感恩，珍惜，而且仲………… 終於知錯！夢醒啦！繼續向前行.

係我最徬徨無助時，還有一班姊妹一直鼓勵支持我，仲有Jacqueline無私的奉獻，妳犧牲妳嘅私人時間去幫助我，開解我. 有一段說話，妳同我講”有好多病人，想食都食唔到，點解自己可以食，唔食呢！” 呢句說話成為咗我食野嘅動力，每次唔想食，我一唸起，就可以食曬所有枱面食物. 好多謝妳呢幾個月陪住我行，行到今日，很感激上天比我遇上妳

@YY ~ 係group裏面，我和妳治療方案一樣，打針時間都差不多，大家手拖手一齊行，一齊分享心得，亦都好有緣份同一日小學畢業. 好感恩沿途一直有妳鼓勵和支持我，好感激妳在我最低潮時一直撐住我，我地要手拖手到老

@Ellen ~ 當我知道妳係打12針時，我竟然膽粗粗去私訊煩住妳，又好彩妳冇厭我煩，仲一直好有愛心，耐性去解答，幫助我. 妳每次暖暖的懷問候，實在冇辦法用文字來形容，我會銘記於心. 我等待開關後，飛奔返香港去見妳，love you

@Eva ~ 呢位妹妹比我細，比我勇敢的同期姊妹，妳經常分享食乜野，教我運用精油減輕副作用，我好勤力又聽妳教㗎！到後期化療，副作用就越來越少，所以我要講無限句感激妳，我地以後一齊攬住笑到老呀！

@Ada電兔妹妹~ 好多謝妳很樂意，細心聆聽我問嘅問題，又耐心解釋所有細節比我知，令我化療減少咗不必要嘅痛苦，仲有呀！有一樣野同妳一樣，就係我完咗化療，係仔仔12歲生日，可以用開心興奮心情同佢搞生日party慶祝，亦是我痊癒送比佢最好的生日禮物

@Toby Sin ~ 多謝妳分享化療心得比我，我地又可以傾教仔經，還有經常送上暖暖的問候，非常感恩，派咗位天使保護我，我返香港，妳一定要同我食飯，慢慢再詳談呀！

@Fion ~ 特別特別多謝妳，妳知道我有胃酸倒流時，好主動私訊我，話寄藥比我，我很感動身邊有班咁好嘅姊妹，個個想盡辦法幫手解決，互相幫忙，希望這份熱情，一直流傳下去.

特別鳴謝@Jacqueline

首先感激妳成立咗呢個group去幫助迷途無助的姊妹。感激妳陪我渡過我最情緒低落，痛苦，絕望的日子，感激妳對我無條件的付出和奉獻。妳令我再次拎出勇起繼續化療，今日我終於完成化療啦！妳講得好啱㗎，挨下挨下傻下傻下就挨過咗！我想同妳講”無言的感激”, love you arrrrrrrrr……

仲有我好想多謝我屋k人，只要我一想買咩，妳地第一時間買然後寄比我，多謝我大細佬係我病時，同我講”我好幸運有妳這個二家姐，我地屋k先有咁幸福，妳要再為我地好好生存落去”.

多謝仔仔和老公對我的包容，比我任意發脾氣，任意出氣，還有仔仔經常幫我抹汗，失眠時每晚拖住我隻手瞓覺，老公讓間房比我煲劇，好好休息去打走d衰野

最後希望各位姊妹繼續努力，保持正能量和樂觀心情去接受治療，唔好好似我咁，中途要放棄，學會長講要沉住氣，其實化療都好容易過唔係想像中咁恐怖。各位姊妹，多謝妳地陪我一起走過呢段路，以後我地手拖手，笑到甩牙到老